Արմինֆո. Ե՞րբ է Հայաստանում Ֆրանսիայի դեսպանը միացել "Քաղաքացիական պայմանագիր" կուսակցության շարքերին։ Նման հարցադրում է արել "Պոլիտէկոնոմիա" հետազոտական ինստիտուտի քաղաքական մեկնաբան, քաղաքագետ Բենիամին Մաթևոսյանը՝ Ֆրանսիայի դեսպանի ՝ Հանրային ռադիոյին տված հարցազրույցից հետո:
"Հայաստանում Ֆրանսիայի դեսպան պարոն Դեկոտինյին հայտարարություններ է արել, որոնք կասկածի տակ են դնում նրա մասնագիտական պիտանիությունը։ Եթե 1991 թվականից, ելնելով Հայաստանի կողմից Ալմա-Աթայի հռչակագրի ստորագրման փաստից (որի ստորագրման ժամանակ Երեւանն ուներ իր վերապահումները, Լեռնային Ղարաբաղը ԽՍՀՄ սահմանադրության համաձայն արդեն դուրս էր եկել Ադրբեջանական ԽՍՀ կազմից), Հայաստանի Հանրապետությունը Ղարաբաղը ճանաչել է Ադրբեջանի մաս, ապա ինչո՞վ է զբաղվել Ֆրանսիան 30 տարի՝ որպես ԵԱՀԿ ՄԽ համանախագահներից մեկը։ Ինչի՞ մասին է Ֆրանսիան, և նրա դիվանագիտական կորպուսը, որը դեռ ներկայացնում է Դեկոտինյին, բանակցել: Թող պարոն դեսպանը հրապարակի բոլոր այն առաջարկները, որոնք բխել են պաշտոնական Փարիզից այդ տարիների ընթացքում", - նշել է քաղաքագետը։
Ավելին, Մաթևոսյանը Ֆրանսիայի դեսպանին առաջարկել է ցույց տալ, թե մինչև 2022 թվականի հոկտեմբեր Փարիզը որ փաստաթղթով է հղում կատարել Ալմա-Աթայի հռչակագրին։ "Այդ հռչակագրի մասին գոնե մեկ հիշատակում։ Դեսպանը չի կարող դա անել, քանի որ անհնարավոր է ցույց տալ այն, ինչ գոյություն չունի, եթե դու, իհարկե, "Քաղաքացիական պայմանագիր" կուսակցության անդամ չես։
Դեսպանը, իհարկե, փորձում է տեղի ունեցածի պատասխանատվությունից զերծ պահել նախագահ Էմանուել Մակրոնին, ով Շառլ Միշելի հետ միասին եղել է Պրահայում Արցախի հանձնման "կնքահայրը"՝ Պրահայի դավադրությանը հաջորդած էթնիկ զտմամբ", - հավելել է քաղաքագետը։
Միևնույն ժամանակ, փորձագետը կարծում է, որ ավելի ազնիվ կլիներ խղճի և Արցախի ու Հայաստանի ժողովուրդների հանդեպ, եթե դեսպանն ասեր, որ անկախ Մակրոնի որևէ հայտարարությունից կամ դիրքորոշումից, Հայաստանի ղեկավարը եղել է Նիկոլ Փաշինյանը, և 2022 թվականին նրա անձնական դիրքորոշումն է վճռորոշ եղել Արցախի նկատմամբ դատավճիռ կայացնելու հարցում:
Ավելի վաղ Հայաստանում Ֆրանսիայի դեսպան Օլիվիե Դեկոտինյին հայտարարել էր, որ"Լեռնային Ղարաբաղը որպես պետություն չի ճանաչվել ոչ միջազգային հանրության, ոչ էլ Հայաստանի կողմից, մինչդեռ, Հայաստանը ԼՂՀ-ը ճանաչել է Ադրբեջանի մաս՝ Ալմա-Աթայի հռչակագրի ընդունման պահից":
Նա նշել է, որ խորհրդային տարիներին Լեռնային Ղարաբաղը մարզ էր Ադրբեջանի կազմում։ "Նրանք, ովքեր ասում են, որ դա ճանաչվել է 2022 թվականին Պրահայում, ստում են, քանի որ Լեռնային Ղարաբաղն Ադրբեջանի մաս է ճանաչվել Ալմա - Աթայի հռչակագրի ընդունման պահից (1991թ.)։ Պրահան, ընդամենը, հղում է անում այդ հռչակագրին։ Այժմ հարցը միայն այն է, թե ինչպես հասնել արդար, կայուն խաղաղության, որպեսզի վերացվեն Հայաստանի գլխին կախված սպառնալիքները", - ասել է Դեկոտինյին։
Նշենք, որ եթե բացեք Ալմա-Աթայի 1991 թվականի հռչակագիրը, ապա այնտեղ սևով սպիտակի վրա գրված է, որ ճանաչվում են պետությունները ներկայիս սահմաններում։ Այսինքն, այդ հռչակագրի ընդունման պահին Արցախն արդեն Ադրբեջանի կազմում չէր, և հանրաքվեից հետո դե ֆակտո անկախ պետություն էր։ Ավելին, բոլոր անկախ փորձագետները միաբերան նշում են, որ վերը նշված հռչակագիրը չի կարող հիմք հանդիսանալ պետությունների միջև սահմանազատման համար, քանի որ այն ժամանակ դեկլարատիվ բնույթ էր կրում, և դրա հիմքում ոչ մի քարտեզ չկա:
Քաղաքագետ․ Ռուսաստանի եւ Հայաստանի միջեւ դաշնակցային հարաբերությունների մոդելը փլուզվել է
Փորձագետ. Պարտված իշխանությունների դիրքորոշումը թշնամու հետ հարաբերությունները կարգավորելու հարցում չպետք է ազդի արցախցի փախստականների իրավունքների վրա
Փորձագետ. Չորրորդ Հանրապետությունը չի սկսվում Քոչարյանի ձերբակալությամբ
Փորձագետ. Հայաստանը շարունակում է «պոկվել» Ռուսաստանի գլխավորած ռազմաքաղաքական և տնտեսական կառույցներից
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Մեդվեդև. Երևանը երբեք չի դառնա ԵՄ անդամ, փոխարենը՝ երկար ժամանակով կփչացնի հարաբերությունները ԵԱՏՄ-ի, այդ թվում ՝ Մոսկվայի հետ
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
"Բաքվում արժանի հակահարված ենք տվել մեր ժողովրդի անցյալի և ներկայի մասին ստահոդ պնդումներին". Արցախի խորհրդարանի նախկին խոսնակը` Բաքվի բանտից
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
