Ամերիաբանկը ներդրել է օնլայն փոխանցումների նոր համակարգ

Հեռահար բանկային ծառայությունների համատեքստում  Ամերիաբանկը ներդրել է քարտով օնլայն փոխանցումների նոր համակարգ, ինչն իրականացնելու համար  անհրաժեշտ է ունենալ ինտերնետ հասանելիություն և միայն մուտքագրել  շահառուի հաշվի/քարտի համարը:  Ինչպես ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, համակարգի  յուրահատկությունն ու հարմարավետությունը կայանում է նրանում, որ փոխանցում իրականացնելու համար  վիրտուալ քարտի գրանցման անհրաժեշտություն այլևս չկա: Գումարը ստացողի հաշվին ակտիվանում է  անմիջապես: 

Այսուհետ քարտից քարտ և քարտից բանկային  հաշիվ օնլայն փոխանցումներ կատարելու համար:

Բացի այդ, ինչպես նշում է աղբյուրը, համակարգն ապահովված է անվտանգ միացումների (SSL) տեխնոլոգիայով,  բացի այդ ինտերնետ միջավայրում վճարային քարտերով փոխանցումների անվտանգությունն ապահովվում է  Master Card Secure Code և VISA Verified by Visa (VbV) տեխնոլոգիաներով:

Նշենք, որ հաճախորդների համար սպասարկման ավելի հարմարավետ պայմաններ ապահովելու նպատակով  Ամերիաբանկը շարունակում է ընդլայնել մուտքը դեպի հեռահար կառավարման համակարգեր` Ամերիա Օնլայն  Բանկինգ, Ամերիա Մոբայլ Բանկինգ, Ameria Phone Banking, Ameria Global Trading առևտրի համակարգ, բանկոմատներ և կանխիկ միջոցներ ընդունող բանկոմատներ: Մասնավորապես, մինչև սեպտեմբերի 30-ը հաճախորդները կարող են միանալ Ameria Phone Banking-ին: Կոմունալ վճարումների համար Ամերիաբանկը մշակել է արագ և հարմարավետ լուծումներ, հեռահար բանկինգի զանազան համակարգերի միջոցով: Կոմունալ ծառայույթունների դիմաց վճարոմները կարելի է իրակաացնել Ամերիա Օնլայն Բանկինգ համակարգի միջոցով, հեռախոսով - Ameria Phone Banking, ինչպես նաև Ամերիաբանկի բանկոմատների և երաշխիքների միջոցով:

Ըստ ԱրմԻնֆո գործակալության` Հայաստանի բանկերի ֆինանսական վարկանիշների. Ամերիաբանկը վստահորեն պահպանում առաջատարի դերն այնպիսի հիմնական ֆինանսական ցուցանիշներով, ինչպիսիք են ակտիվները, ընդհանուր պարտավորությունները, վարկային ներդրումները, արժեթղթերում կատարված ներդրումները, հաճախորդների հանդեպ պարտավորությունները: Բացի այդ, բանկը վստահորեն դեպի առաջատարության է ընթանում զուտ շահույթով, ընդհանուր կապիտալով, կանոնադրական կապիտալով, տոկոսային և ոչ տոկոսային եկամուտներով: Բանկի ակտիվները տարեկան կտրվածքով աճել են մոտ16%, 2015-ի հուլիսի 1-ին կազմելով 398.8 մլրդ դրամ, իսկ ընդհանուր պարտավորությունները` 17%, մինչև 353.5 մլրդ.դրամ, գերազանցելով շուկայի միջին ցուցանիշը համապատասխանաբար` 12% և 13.8%: Բանկի վարկեյին ներդրումները մեկ տարեկան կտրվածքով ավելացել են 34%, մինչև 257 մլրդ դրամ (շուկայում տեղի ունեցող անկման փոխարեն), մեծացնելով ժամկետային ավանդների պորտֆելը 25%, մինչև 94 մլրդ դրամ: 2015 թվականի I կիսամյակում  բանկի շահույթը կազմել է ավելի քան 3 մլրդ դրամ (2 տեղ), տարեկան աճը` 5% (շուկայի միջիին անկումը` 54.4%): Բանկի ընդհանուր կապիտալը 2015-ի հուլիսի 1-ին կազմել է 45.3 մլրդ դրամ (4 տեղ, տարեկան աճը` 12,5%, որի միջին շուկայական աճը`3.2%), իսկ կանոնադրական կապիտալ - 25.4 մլրդ դրամ (3 տեղ, առանց տարեկան փոփոխության):

Հիշեցնենք, որ «Ամերիաբանկ» ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկի միակ սեփականտերն է «Ամերիա» Խումբը: 2015 թվականի մայիսին Fitch գործակալությունը բանկին շնորհեց «B+» վարկանիշ, արտարժույթով թողարկողի դեֆոլտի երկարաժամկետ վարկանիշ, ինչպես Հայաստանի վարկանիշն է, ինչը բարձր գնահատական է համարվում համաշխարհային պրակտիկայում համարվում: