Սեպտեմբերի 7-ին Ռուսաստանի նախագահ Վլադիմիր Պուտինը Նովո-Օգարյովոյի նստավայրում ընդունել է Հայաստանի նախագահ Սերժ Սարգսյանին, ով Ռուսաստան է մեկնել աշխատանքային այցով:
Ինչպես հաղորդում է Կրեմլի մամուլի ծառայությունը, երկու երկրների ղեկավարները քննարկել են տարբեր ոլորտներում ռուս-հայկական համագործակցության հետագա խորացման, ինչպես նաև եվրասիական տարածքում ինտեգրացիոն փոխգործակցության հարցեր:
Ողջունելով հյուրին` Պուտինը, մասնավորապես, ասել է. «Մենք Ձեզ հետ, իսկապես, պարբերաբար հանդիպում ենք և հեռախոսով խոսում ենք, հանդիպում ենք տարբեր համաժողովների ժամանակ, գործնականում, ամեն անգամ, անցկացնում ենք երկկողմ հանդիպումներ, ինչպես հիմա՝ մամուլի ներկայությամբ, կամ` առանց նրա: Բայց, այնուամենայնիվ, մենք միշտ քննարկելու բան ունենք, նկատի ունենալով Ռուսաստանի և Հայաստանի միջև հարաբերությունների առանձնահատուկ բնույթը, Եվրասիական տնտեսական միությանը Հայաստանի միանալը, ինչպես նաև լիարժեք մասնակցությունը մեր մեկ այլ ինտեգրացիոն կառույցին՝ ՀԱՊԿ-ին: Կցանկանայի այս առումով Ձեզ հետ մի շարք հարցեր քննարկել»։
Ինչպես նշել է Պուտինը, հաճելի է, որ Ռուսաստանը մնում է Հայաստանի առաջատար առևտրատնտեսական գործընկերը: «Համեմատած 2013 թվականի հետ, անցած տարի զգալիորեն աճել է մեր ապրանքաշրջանառությունը, բայց, ցավոք, ընթացիկ տարվա առաջին կիսամյակում տեղի է ունեցել փոփոխություն դեպի նվազում: Մենք այսօր այդ մասին ևս կխոսենք: Այդտեղ կան որոշակի նրբություններ, որոնց պատասխանները ես դեռևս չունեմ: ՅԿցանկանայինք Ձեզ հետ քննարկել այդ հարցերը», - հայտարարել է Ռուսաստանի ղ եկավարը:
Սերժ Սարգսյանն, իր հերթին, ընդգծել է, որ հայ-ռուսական երկկողմ հարաբերությունների օրակարգը շատ հագեցած և մշտապես հարստացվում է նոր նախաձեռնություններով: «Մեր պարբերական հանդիպումները թույլ են տալիս ամփոփել նախկին պայմանավորվածությունները և արձագանքել ծագած հարցերին: Վերջին անգամ մենք Ձեզ հետ մանրամասն քննարկեցինք մեր օրակարգը Երևանում, երբ Դուք մասնակցում էիք Օսմանյան կայսրությունում Հայոց ցեղասպանության 100-րդ տարելիցին նվիրված միջոցառումներին, և կարծիքներ փոխանակեցինք Մոսկվայում՝ Հայրենական Մեծ պատերազմի հաղթանակի 70-ամյակին նվիրված միջոցառումների ժամանակ և, իհարկե՝ Ուֆայում: Այդ ժամանակահատվածում Հայաստանի համար մի շարք կարևոր հարցեր են լուծվել, և միանգամից ուզում եմ Ձեզ շնորհակալություն հայտնել Պերմյակովի քրեական գործը հայկական արդարադատությանը հանձնելու համար: Շատ շնորհակալ եմ Ձեզ», - ասել է Հայաստանի նախագահը:
Սարգսյանը նաև փաստել է, որ սեպտեմբերի 7-ին հայկական կողմը Ռուսաստանի էներգետիկայի նախարարության հետ ստորագրել է համաձայնագիր, որը թույլ է տալիս Հայաստան մատակարարվող ռուսական բնական գազի գինը 25 ԱՄՆ դոլարով նվազեցնել՝ հասցնելով մինչև 165 դոլարի: «Ստորագրվել է Հայաստանին 200 միլիոն դոլար արտոնյալ վարկ տրամադրելու համաձայնագիր, և դա թույլ կտա թարմացնել հայկական զինված ուժերի զինանոցը: Ստորագրվել է համաձայնագիր, արդեն ուժի մեջ է մտել, և Հայկական ատոմակայանում սկսվել են արդիականացման աշխատանքները», - նշել է նա:
«Իհարկե, մեր հարաբերություններում նոր իրողության սկիզբ է դրել Եվրասիական տնտեսական միության գործունեությունը: Մեզ դեռ շատ աշխատանք է սպասվում, որպեսզի այդ ինտեգրացիոն միավորման բովանդակությունը հագեցվի մեր ժողովրդի համար զգալի գործերով: Մենք պատրաստ ենք նման աշխատանքի, և շահագրգռված ենք ապրանքի, կապիտալի, ծառայությունների ու աշխատուժի ազատ տեղաշարժի սկզբունքների հնարավորինս արագ կյանքի կոչման գործում: Մեզ համար դա շատ կարևոր է: Եվ այս համատեքստում, Վլադիմիր Վլադիմիրի, Հայաստանի համար առանցքային է մնում էներգակիրների սակագնի հարցը։ Այս ճգնաժամային իրավիճակում արտարժույթի փոխարժեքի տատանումները շատ ցավագին են անդրադառնում սակագների վրա, և ես լիահույս եմ, որ մենք նոր լուծումներ կգտնենք՝ լավ լուծումներ», - հավելել է Սարգսյանը։
Հայաստանի նախագահը նաև Ռուսաստանին ու անձամբ ՌԴ իրև պաշտոնակցին երախտագիտություն է հայտնել ղարաբաղյան հակամարտության կարգավորման ուղիների որոնմանը նպատակաուղղված ջանքերի համար։ «Վերջին երկու շաբաթներին սահմանում շատ լարված է։ Ադրբեջանական կողմը բացի խոշոր տրամաչափի հրազենից, կիրառում է հրետանի։ Իհարկե, մենք ստիպված ենք պատասխան տալ, ես դրա մասին ավելի մանրամասն կխոսեմ Դուշանբեում՝ ՀԱՊԿ գագաթնաժողովի ժամանակ», - հայտարարել է նա։
«Վերջում կցանկանայի ևս մեկ անգամ ասել, որ շատ դինամիկ զարգանում են հումանիտար ոլորտի մեր հարաբերությունները։ Երևանում վերջերս բացվել է Լոմոնոսովի անվան Մոսկվայի պետական համալսարանի մասնաճյուղը։ Բառացիորեն մի քանի շաբաթ անց իր գործունեությունը կսկսի ռուսական գիմնազիան, և մենք Երևանում կանցկացնենք Մոսկվայի միջազգային հարաբերությունների պետական ինստիտուտի (ՄՄՀՊԻ) շրջանավարտների 3-րդ միջազգային համաժողովը։ Կարծում եմ, որ այդ ամենը ևս կօգնի բարելավել մեր հարաբերությունները: Եվ, իհարկե, ուզում եմ նշել, որ լավ է աշխատում միջկառավարական հանձնաժողովը», - ամփոփել է հանրապետության ղեկավարը։
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
