Հայաստանի վարչապետը չի բացառել Ռուսաստանի հետ համագործակցության ընդլայնման հնարավորությունը՝ սահմանների համատեղ պահպանության հարցում

Արմինֆո. Երկրի պետական սահմանների պահպանության աստիճանական հանձնումը հայ սահմանապահների վերահսկողությանը Երևանի և Մոսկվայի քաղաքական կամքի արդյունք էր: Այդ մասին այսօր մամուլի ասուլիսի ժամանակ հայտարարել է  վարչապետ Նիկոլ Փաշինյանը։

Նրա ասելով՝ հայ-թուրքական և հայ-իրանական սահմանին հայ սահմանապահները համատեղ ծառայություն են իրականացնում ռուսական կողմի հետ: Ավելի վաղ "Զվարթնոց" օդանավակայանում սահմանային վերահսկողությունն ամբողջությամբ անցել էր հայկական կողմի իրավասությանը: Փաշինյանը նաև հաղորդել է, որ հայ-իրանական սահմանին անցակետի վերահսկողությունը նույնպես ամբողջությամբ գտնվում է Հայաստանի սահմանապահների կառավարման ներքո: "Ես չեմ բացառում, որ այդ հարցով Երևանի և Մոսկվայի միջև համագործակցության շրջանակն ընդլայնվի", - ասել է վարչապետը:

Նա անդրադարձել է նաև հայ-բելառուսական հարաբերություններին։ Մասնավորապես, պատասխանելով Հայաստանի և Բելառուսի միջև հարաբերությունների խզման հնարավորության մասին հարցին, Փաշինյանը կոչ է արել ուշադրություն դարձնել երկկողմ հարաբերություններում տեղի ունեցող գործընթացներին: "Ներկայումս մենք Մինսկի հետ ակտիվ համագործակցություն չունենք, բայց, թե ինչ կլինի հետո ՝ կապրենք ՝ կտեսնենք", - ասել է Հայաստանի կառավարության ղեկավարը