"Ինչու՞ չկարողացանք վերադարձնել թալանածը։ Քանի որ այն տարբեր վայրերում է". Փաշինյան

Արմինֆո.ՀՀ վարչապետ Նիկոլ Փաշինյանը հայտարարում է, թե իր կառավարությունը չի կարողացել վերադարձնել "ժողովրդից թալանածը", ինչպես խոստացել էր 2018 թվականի "թավշյա հեղափոխությունից" հետո, քանի որ "թալանածը տարբեր վայրերում է":

"Եթե 2018 թվականից ամենօրյա ռեժիմով մենք գնայինք թալանածի հետևից, ապա, նույնիսկ, այդ դեպքում մենք չէինք կարողանա վերադարձնել ամեն ինչ, քանի որ այն կենտրոնացած է տարբեր վայրերում", - ասել է նա հունվարի 31-ին կայացած մամուլի ասուլիսում:

Հիշեցնենք, որ 2024 թվականի դեկտեմբերի վերջին ՀՀ գլխավոր դատախազ Աննա Վարդապետյանը հայտարարել էր, որ անշարժ գույքի ընդհանուր շուկայական արժեքը և 2023-2024 թվականների ընթացքում պետությանը վերադարձված դրամական միջոցները կազմում են շուրջ 30 մլն դոլար: "Մասնավորապես, պետական և հանրային շահերի պաշտպանության իրավասությունների շրջանակներում 2023-2024 թվականներին ՀՀ կամ համայնքի սեփականության իրավունքները գրանցվել են 8 անշարժ գույքի օբյեկտի նկատմամբ", - ասել էր Վարդապետյանը: