Երեւանի քաղաքապետ. Մեր բարեփոխման նպատակը 250 էլեկտրական ավտոբուսների գնման հնարավորությունների առաջացումն է

Արմինֆո.Երևանի տրանսպորտային ոլորտի բարեփոխումները հետապնդում են միայն մեկ նպատակ՝ ապահովել որակյալ և կայուն համակարգի առկայություն։ Այդ մասին հունվարի 27-ին քաղաքապետարանում կայացած խորհրդակցության ժամանակ հայտարարել է Երեւանի քաղաքապետ Տիգրան Ավինյանը։

Նրա խոսքով՝ տրանսպորտային նոր համակարգի ներդրումը բավականին բարդ գործընթաց է։ Տվյալ դեպքում խոսքը միայն շարժակազմի ձեռք բերման կամ վարորդների պատրաստման մասին չէ, այլ՝ ամբողջ հարակից ենթակառուցվածքների։ Քաղաքապետը նշել է, որ նոր համակարգը ենթադրում է մի քանի տարի անց խնդիրների բացակայություն, հատկապես, տրանսպորտային միջոցների մաշվածության գծով: "Բարեփոխումների բոլոր փուլերում, փաստորեն, առկա են եղել խնդիրներ, մասնավորապես ՝ ուղեվարձի անկանխիկ վճարման համակարգի ներդրման շրջանում, որոնք հանգեցրել են վատ հետևանքների ։ Օրինակ,  վարորդները հրաժարվում էին դուրս գալ քաղաքային երթուղիներ, քանի որ կանխիկ վճարումը թմրանյութերի նման համակարգ էր։ Հիմա իրավիճակը փոխվել է, մենք վարորդներին առաջարկել ենք լավ աշխատավարձ, բժշկական ապահովագրություն, արտաժամյա աշխատանքի դիմաց հավելավճար, պարապուրդի վճար և այլն: Մի խոսքով, ստեղծել ենք բոլոր անհրաժեշտ պայմանները, որպեսզի վարորդը զբաղվի իր գործով ՝ վարի տրանսպորտային միջոցը", - ասել է Ավինյանը:

Նա հավելել է, որ նոր տրանսպորտային համակարգի ներդրումը քաղաքի բնակիչների մի քանի ուղևորությունների հնարավորություն է նախատեսում: Նրանք, օրինակ, կկարողանան օգտվել մի քանի երթուղիներից, որպեսզի հնարավորինս սեղմ ժամկետում հասնեն իրենց նպատակակետին։

Ավինյանը քննադատել է ավագանու ընդդիմության գործողությունները, որը, ըստ քաղաքապետի, ցանկանում է վերադարձնել կանխիկ վճարումը, այդպիսով՝ վերադառնալ դեգրադացիոն համակարգ, որն իր էությամբ կոռուպցիոն դրսևորումներ է կրում: "Կարելի էր ուղեվարձը բարձրացնել ընդամենը 50 դրամով ՝ մինչև 150 դրամ, բայց դա ճիշտ չէ, դա չի կարելի համարել միասնական տոմսային համակարգ, քանի որ դրա կիրառումից հետո հնարավոր չի լինի ձեռք բերել 250 նոր էլեկտրական աավտոբուս: Մենք հասկանում ենք, որ վաղն այդ հարցը լինելու է առաջնային, և այդ պատճառով արդեն այսօր մտածում ենք տրանսպորտային միջոցների օպտիմալացման մասին", - ընդգծել է քաղաքապետը ՝ կարևորելով հանրապետական իշխանությունների հետ բանակցությունների միջոցով ամենակշռադատված որոշման ընդունումը։

"Մեր խնդիրն այն է, որպեսզի 4 տարի հետո նոր տրանսպորտային միջոցները չմաշվեն, որպեսզի 7 տարի հետո կարողանանք նոր ավտոբուսներ ձեռք բերել։ Մենք չպետք է շեղվենք միասնական տոմսային համակարգի ներդրման օրակարգից", - ասել է քաղաքապետը,  հավելելով, որ ներկայումս քաղաքացիների ուղեվարձը 140-150 դրամ է, եւ եթե ուղեվարձը նույն մակարդակի վրա թողնվի, մի քանի տարի հետո նոր ավտոբուսներ, տրոլեյբուսներ եւ էլեկտրոբուսներ գնելու հնարավորություն չի լինի։

Նշենք, որ նիստի ընթացքում հաղորդվել է Երևանում հասարակական տրանսպորտի երթևեկության վերահսկման GPS համակարգի ներդրման մասին, որի գործարկմամբ հնարավորություն կստեղծվի մայրաքաղաքի փողոցներում ավելի արդյունավետ կառավարել երթևեկությունը:

Հիշեցնենք, որ փետրվարի 1-ից Երևանում կգործեն քաղաքային տրանսպորտի ուղեվարձի նոր սակագներ ։ Մեկ ուղևորության միջին գինը կարժենա 300 դրամ՝ ներկայիս 100 դրամի փոխարեն: Երևանի նախկին քաղաքապետ Հայկ Մարությանն ավելի վաղ կոչ էր արել բոյկոտել առաջիկա թանկացումները և վճարել նույն 100 դրամը: