Վարդան Պետրոսյանը պատիժը կկրի բաց ռեժիմով

Հանրահայտ դերասան Վարդան Պետրոսյանը պատիժը կկրի բաց ռեժիմի քրեակատարողական հիմնարկում: Սեպտեմբերի 2-ին այդպիսի որոշում է կայացվել Կոտայքի մարզի ընդհանուր իրավասության դատարանում:

Նախորդ օրը երեկոյան Վարդան Պետրոսյանին «Նուբարաշեն» քրեակատարողական հիմնարկից  տեղափոխել են ժամանակավոր կացարան, որտեղ նա կսպասի ՔԿՎ հանձնաժողովի որոշմանը` հետագա պատիժը բաց ռեժիմով կրելու պայմանների վերաբերյալ։

Հիշեցնենք, որ 2013 թվականի հոկտեմբերի 20-ին Եղվարդ-Երեւան մայրուղու 32-րդ կմ-ում երկու ավտոմեքենա իրար էին   բախվել:  Պատահարի  հետեւանքով  7  մարդ մարմնական  վնասվածքներով  տեղափոխվել  էր  հիվանդանոց,  այդ թվում՝ դերասան Վարդան Պետրոսյանը: Ավելի ուշ վիրավորներից Էդգար և  Էդուարդ  Հակոբյան եղբայրները մահացել  էին: Ընտանիքի մի քանի անդամներ վնասվածքներ էին ստացել: Փաստի առնչությամբ քրեական գործ էր հարուցվել ՔՕ 242 հոդվածի 3-րդ մասի հատկանիշներով: Կոտայքի մարզի ընդհանուր իրավասության դատարանը Վարդան Պետրոսյանին դատապարտել էր 5 տարի ազատազրկման: