Արմինֆո.Արդշինբանկը չորրորդ անգամ անընդմեջ միջազգային հայտնի Global Banking & Finance Review ամսագրի կողմից արժանացել է «Տարվա փրայվիթ բանկ» և երկրորդ անգամ՝ «Տարվա մանրածախ բանկ» կոչումներին։ Ամեն տարի ոլորտի վերլուծաբաններից ու փորձագետներից կազմված ժյուրին ընտրում է աշխարհի լավագույն ֆինանսական կազմակերպությունները՝ հիմնվելով մի շարք հիմնական չափանիշների վրա՝ շուկայի մասնաբաժին, ներդրումային հնարավորություններ, նորարարական լուծումներ, միջազգային հեղինակություն և հաճախորդներին մատուցվող ծառայությունների ծավալ ու որակ։
Համաձայն ամսագրի թողարկած մամլո հաղորդագրության, Արդշինբանկը լավագույնն է ճանաչվել փրայվիթ հաճախորդների սպասարկման և մանրածախ բանկային ծառայությունների մատուցման գործում ունեցած ձեռքբերումների համար։
«Այս մրցանակներն ընդգծում են Արդշինբանկի առաջատար դիրքը, նորարարությունը և առանձնահատուկ բանկային ծառայություններ մատուցելու նվիրվածությունը: Այդպիսի մոտեցումը խթանում է հաճախորդների և բանկի միջև փոխադարձ վստահությունը և երկարաժամկետ հարաբերությունների հաստատումը՝ ապահովելով սպասարկման ամենաբարձր մակարդակը և հաճախորդների գոհունակությունը», - նշվում է հայտարարության մեջ։
Մեկնաբանելով հաղթողի ընտրությունը՝ Global Banking & Finance Review-ի խմբագիր Վանդա Ռիչը նշել է.
«Արդշինբանկի շարունակական ճանաչումը որպես լավագույնը արտացոլում է բանկի բացառիկ տեսլականն ու կատարողականությունը: Շարունակելով նորարարություններ անել և առաջնահերթություն տալով հաճախորդների կարիքներին՝ Արդշինբանկը ցույց է տալիս, թե ինչու է հանդիսանում ֆինանսական ոլորտում գերազանցության չափանիշը»։
Արդշինբանկի Վարչության նախագահ Արտակ Անանյանը շնորհակալություն է հայտնել ամսագրին 2024 թվականին բանկի աշխատանքը բարձր գնահատելու համար.
«Այս մրցանակները բանկի համար առաջինը չեն, և դրանք վառ ապացույց են, որ մենք շարունակում ենք առաջ շարժվել՝ բարելավելով մեր ծառայությունները, սահմանելով նոր չափանիշներ, կիրառելով լավագույն փորձն ու նորարարությունները և այդպիսով կերտելով Հայաստանի բանկային համակարգի ապագան։ Նման հեղինակավոր միջազգային ամսագրի երկու անվանակարգերում մրցանակների արժանանալը ոչ միայն ամրապնդում է մեր դիրքերը որպես Հայաստանի ֆինանսական ոլորտի առաջատար, այլև վերահաստատում է մեր ռազմավարական զարգացման կայունությունը»։
Հարկ է նշել, որ Global Banking & Finance Awards-ը հիմնադրվել է 2011 թվականին Միացյալ Թագավորությունում՝ Global Banking & Finance Review ամսագրի կողմից՝ նպատակ ունենալով ճանաչել համաշխարհային ֆինանսական հանրության կարևոր փոփոխությունները։ Մրցանակները շնորհվում են ամեն տարի և ընդգրկում են ֆինանսական ոլորտի բոլոր ճյուղերը՝ բանկային գործունեությունը, կորպորատիվ ֆինանսները, իսլամական ֆինանսները, ներքին ներդրումները, հարկերը և հաշվապահությունը, ակտիվների կառավարումը, միաձուլումները և ձեռքբերումները։
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Իսկանդարյան. Աբխազիայի քաղաքականությանը Թուրքիայի միջամտությունը միֆ է և նախընտրական PR-ի արդյունք
Հայ փորձագետը կանխատեսում է USAID-ի գործունեության մոտալուտ վերսկսում
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
Փորձագետ. ԵՄ-ում Հայաստանին ոչ ոք չի սպասում
