Գավառի դպրոցի ուսուցչուհին հաղթել է Կալինինգրադի միջազգային օլիմպիադայում

Արմինֆո.Գավառ քաղաքի թիվ 2 միջնակարգ դպրոցի ռուսաց լեզվի և գրականության տաղանդավոր ուսուցչուհի, "Ռոսսոտրուդնիչեստվո"-ի ծրագրերի մասնակից Մարինե Պողոսյանը փայլուն ներկայացրել է Հայաստանը Կալինինգրադում կայացած ռուսաց լեզվի 2-րդ միջազգային մանկավարժական օլիմպիադայում և նվաճել արժանի հաղթանակ: Այդ մասին հաղորդում է Երևանում ԳՄՌԿ-ի մամուլի ծառայությունը։

"Ինձ համար շատ արժեքավոր փորձ էր՝ լինել վաստակաշատ մանկավարժների շրջան, փոխանակել կուտակած գիտելիքներն ու հմտությունները", - ասել է Մարինե Պողոսյանը:

Օլիմպիադայի ծրագիրը հագեցած էր և բազմազան. մրցույթներ, քննարկումներ, ինտելեկտուալ մրցումներ ։ Քննարկումների ընթացքում բարձրացվել են ռուսաց լեզվի դասավանդման մեթոդիկայի արդիական հարցեր: Մարինե Պողոսյանը ոչ միայն ցուցաբերել է պրոֆեսիոնալիզմի բարձր մակարդակ, այլև ձեռք բերել բազմաթիվ ընկերներ և համախոհներ Ղրղզստանից, Տաջիկստանից, Վիետնամից, Բուլղարիայից, Թուրքմենստանից և Ղազախստանից:

Հատուկ պահ էր Սերբիայից Դարինկայի հետ հանդիպումը, որի հետ Մարինան ծանոթացել էր դեռ 2014 թվականին ռուսաց լեզվի երկրորդ համաշխարհային փառատոնում: 10 տարի անց նրանց ճանապարհները կրկին հատվել են. օլիմպիադայում նրանց մրցամարտը դարձել է միջոցառման ամենավառ և հիշարժան իրադարձություններից մեկը:

"Կազմակերպիչները, նույնիսկ, կատակով մեր ինտելեկտուալ մրցույթն անվանեցին "հայրերի և երեխաների մենամարտ", քանի որ ես օլիմպիադայի ամենաերիտասարդ մասնակիցն էի, իսկ Դարինկան ՝ ամենափորձառուն", - կիսվել է Մարինե Պողոսյանը:

Օլիմպիադային մասնակցել են շուրջ հարյուր մասնագետներ աշխարհի 30 երկրներից: Եզրափակիչ են դուրս եկել 12 երկրների 26 մասնակիցներ: Օլիմպիադայի կազմակերպիչն էր Ի.Կանտի անվան Բալթյան դաշնային համալսարանը։