Արմինֆո. Երկարաժամկետ գործընկերներ ՎՏԲ-ն և Պետական Տրետյակովյան պատկերասրահը մեկնարկել են արշավ՝ նվիրված «Передвижники» ցուցահանդեսին և Մոսկվայի Կադաշևսկայա ափին գտնվող թանգարանի նոր մասնաշենքի բացմանը: Թվով հազար Հիշատակի բացիկներ կուղարկվեն 52 երկրներ, այդ թվում՝ Հայաստան, 500 առաջատար գեղարվեստական պատկերասրահներ և առավել խոշոր թանգարաններ ու 107 երկրներում գործող 500 լրատվամիջոցներ՝ որպես միջազգային հարթությունում Ռուսաստանի հետ շարունակվող մշակութային երկխոսության կարևորության խորհրդանիշ։
«Տրետյակովյան պատկերասրահը ռուսական ազգային արվեստի գլխավոր թանգարանն է, որն արտացոլում է նրա բացառիկ ներդրումը համաշխարհային մշակույթի մեջ։ Մենք հպարտանում ենք ռուս արվեստագետների ինքնատիպ հանճարով, որը զգալի ներդրում ունի ազգային մշակութային ինքնության ձևավորման գործում։ ՎՏԲ-ն երկար տարիներ աջակցում է մշակույթի հանրահռչակմանն ուղղված նախագծերին երկրում և արտերկրում, և ամեն անգամ մենք ոգեշնչվում ենք Ռուսաստանի հարուստ ժառանգությամբ: Ամանորի նախօրեին մենք պատմում ենք մեր նախագծի մասին աշխարհի ամենահեղինակավոր գործընկերներին և հրավիրում նրանց Տրետյակովյան պատկերասրահի նոր գանձարան»,- նշում է ՎՏԲ բանկի ավագ փոխնախագահ Նատալյա Կոչնևան։
Նախագծի գաղափարը շարունակում է 19-րդ դարի պերեդվիժնիկների ավանդույթներն, ովքեր ձգտում էին արվեստը հասանելի դարձնել բոլորին, անկախ նրանց կարգավիճակից և գտնվելու վայրից: Դրա համար նրանք կազմակերպեցին գեղարվեստական ցուցահանդեսներ ամբողջ Ռուսաստանում: Նախագիծն այս առաքելությանը տալիս է միջազգային մասշտաբ՝ խոսելով արվեստի արժեքի մասին սահմաններից և շրջանակներից դուրս. ՎՏԲ բանկը և Տրետյակովյան պատկերասրահը բացիկների միջոցով աշխարհին հրավիրում են մշակութային երկխոսության. նման խորհրդանշական ժեստը կոչված է հիշեցնելու արվեստի դերը՝ որպես հաղորդակցության համընդհանուր լեզու:
Հիշատակի բացիկը ստեղծվել է նկարազարդող Աննա Վասիլևայի կողմից, որը հայտնի է մանկական գրքերի և թատրոնի աֆիշաների համար իր աշխատանքներով, ինչպես նաև իր թեթև ու ինքնաբուխ նկարչական ոճով։ 2021թ․-ին նա ընդգրկվել է World Illustration Awards ամենահեղինակավոր միջազգային մրցանակի կարճ ցուցակում (shortlist)։ Հաշվի առնելով, որ Տրետյակովյան պատկերասրահը մայրաքաղաքում ունի շենքերի և մասնաճյուղերի բավականին ընդարձակ աշխարհագրություն՝ բացիկի սյուժեն ստացվել է ինքնին․ ցույց է տալիս նոր մասնաշենքի գտնվելու վայրը Մոսկվայի քարտեզի վրա՝ մնացած բոլոր մասնաճյուղերի նկատմամբ, իսկ ավելի կոնկրետ՝ Յակիմանկա թաղամասը, որտեղ կենտրոնացած է շենքերի մեծ մասը: Այսպիսով, նոր մասնաշենքում առաջին ցուցահանդեսի այցելուներին մնաց հուշանվեր՝ հիշեցնող ոչ միայն խորհրդանշական ցուցահանդես, այլև թանգարանի նոր մասնաշենք նրանց այցելության մասին, որի բացումը գրեթե 20 տարվա շինարարությունից հետո դարձավ պատմական իրադարձություն Ռուսաստանի մշակութային կյանքում.
«2024թ․-ին Պետական Տրետյակովյան պատկերասրահում կներկայացնենք տարվա գլխավոր ցուցահանդեսային նախագիծը՝ «Պերեդվիժնիկի» ցուցահանդեսը։ Իր գոյության 50 տարիների ընթացքում Գեղարվեստական շրջիկ ցուցահանդեսների ընկերությունը լուսավորչական գործունեությամբ ընդգրկել է Ռուսական կայսրության մի քանի տասնյակ քաղաքներ և հսկայական ազդեցություն է ունեցել լայն հանրության գեղագիտական կարիքների ձևավորման վրա: Շարունակելով այդ դարաշրջանի վարպետ նկարիչների ավանդույթները և ոգեշնչված նրանց կրթական գաղափարներով՝ մենք ընդլայնում ենք մեր լսարանը և հրավիրում ոչ միայն Ռուսաստանի, այլև աշխարհի բնակիչներին այցելել Տրետյակովյան Պետական Պատկերասրահի նոր մասնաշենքում ներկայացված ցուցահանդեսը», - ասում է «Պերեդվիժնիկի» ցուցահանդեսի կազմակերպիչ Տատյանա Յուդենկովան։
Սոցիալական պատասխանատվությունը երկար տարիներ ՎՏԲ-ի գործունեության կարևոր ուղղություններից մեկն է։ «Մշակութային երկիր» ծրագրի շրջանակներում բանկը ակտիվորեն համագործակցում է երկրի առանցքային մշակութային հաստատությունների հետ, աջակցում է նրանց նախագծերին և իրականացնում սեփական նախաձեռնությունները: ՎՏԲ-ն Տրետյակովյան պատկերասրահի հոգաբարձուների խորհրդի անդամ է 2002թ․-ից և հովանավորում է թանգարանի հիմնական ցուցահանդեսները։ Բանկի աջակցությամբ պատկերասրահում բացվել են Վալենտին Սերովի, Բորիս Կուստոդիևի, Մարկ Շագալի, Նատալյա Գոնչարովայի, Նիկոլայ Գեի, Իսահակ Լևիտանի, Իլյա Ռեպինի, Նիկոլայ Ռերիխի և այլոց եզակի ցուցահանդեսները։
ՎՏԲ բանկի աջակցությամբ Պետական Տրետյակովյան պատկերասրահում 2024թ․-ի հոկտեմբերի 30-ից մինչև 2025թ․-ի ապրիլի 6-ը անց է կացվում մասշտաբային ցուցահանդես՝ նվիրված Գեղարվեստական շրջիկ ցուցահանդեսների ընկերության նկարիչ-անդամների և ցուցորդների ստեղծագործական աշխատանքին, որոնց ավանդաբար կոչում են պերեդվիժնիկներ։ Ցուցահանդեսը նվիրված է Ընկերության հիմնադրման 155-ամյակին:
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
