Գյումրու քաղաքապետի պաշտոնակատար է դարձել Սարիկ Մինասյանը

Արմինֆո. Հայաստանի մեծությամբ և նշանակությամբ երկրորդ քաղաքի ՝ Գյումրիի քաղաքապետի պաշտոնակատար է դարձել Սարիկ Մինասյանը: Այդ մասին հայտնի է դարձել իշխող "Քաղաքացիական պայմանագիր" կուսակցության ներկուսակցական քվեարկության արդյունքներից։

Փրայմերիզի արդյունքում Մինասյանի թեկնածության օգտին տրվել է 253 ձայն: Ընդհանուր առմամբ, ներկուսակցական քվեարկությանը մասնակցել է 7 թեկնածու: Ձայները բաշխվել են հետևյալ կերպ. Լևոն Անանյան՝ 91, Դավիթ Առուշանյան ՝ 220, Շավարշ Արամյան ՝ 88, Սարիկ Մինասյան ՝ 253, Էմմա Վարդանյան ՝ 113, Վահագն Մկրտչյան ՝ 138, Կարեն Սարուխանյան ՝ 143:

Ավելի վաղ ՀՀ վարչապետ Նիկոլ Փաշինյանը նշել էր, որ ընտրություններում հաղթած թեկնածուին ինքը նշանակելու է Գյումրու քաղաքապետի պաշտոնակատար:

Հիշեցնենք, որ հոկտեմբերի 28-ին Գյումրիի քաղաքապետ Վարդգես Սամսոնյանը հրաժարական էր տվել՝ այն բանից հետո, երբ քրեական գործ էր հարուցվել դաշինքի հիմնադիր, նախկին քաղաքապետ Սամվել Բալասանյանի դեմ, ում մեղադրում են հայտնի "Սև ամրոցի" հարակից հողատարածքներն ապօրինի օտարելու համար: Միաժամանակ, հրաժարական էին տվել նաև "Բալասանյան" դաշինքի ավագանու անդամները։

Նոյեմբերի 8-ին Գյումրու նոր քաղաքապետի ընտրության ավագանու նիստը տապալվել էր՝ քվորում չլինելու պատճառով: ԱԺ նախագահ Ալեն Սիմոնյանը հայտարարել էր Գյումրիում նոր ընտրությունների անցկացման մասին, որոնք, նախնական տվյալներով, տեղի կունենան 2024 թվականի գարնանը: