Հայաստանի  ոստիկանությունը քաղաքացիներին հորդորում է տեղի չտալ ներդրումների դիմաց գերշահույթ ստանալու գայթակղիչ առաջարկներին

Արմինֆո. ՆԳՆ ոստիկանությունը քաղաքացիներին հորդորում է խուսափել կասկածելի շահավետ առաջարկներից: Ոստիկանննության հաղորդագրությունում ասվում է.

«Ինտերնետային տարբեր կայքերում բազմաթիվ են տարատեսակ հայտարարությունները, որով քաղաքացիներին առաջարկում են կատարել ներդրում և ստանալ գերշահույթ:

Մի՛ շտապեք կատարել ներդրումներ, ստացե՛ք խորհրդատվություն` զանգահարելով  011 52 52 52՝ ՆԳՆ ինտերնետային խարդախություններով թեժ գծի հեռախոսահամարին (թեժ գիծը գործելու է աշխատանքային օրերին՝ ժամը 09։00-ից 18։00-ն)։

Պարզապես հիշե՛ք, տրվելով գրավիչ առաջարկություններին՝ մեծ է հավանակությունը, որ կկրեք գումարային մեծ կորուստներ»: