Նախագահի կողմից մեկ տարի առաջ նախաձեռնված սահմանադրական բարեփոխումների գործընթացը խոստանում էր երկու կարևորագույն խնդիր լուծել`ժողովրդավարության հիմունքների ամրապնդում և երկրի կայուն քաղաքական և տնտեսական զարգացման ապահովում: Առաջարկվող սահմանադրությունը ոչ միայն չի լուծում այդ խնդիրները, այլ նաև նահանջ է ժողովրդավարության հիմնական սկզբունքներից: Այդ մասին լրագրողների հետ հանդիպմանը հայտարարել է Միջազգային և անվտանգության հարցերի հայկական ինստիտուտի ղեկավար Ստեփան Սաֆարյանը:
Նրա խոսքով, ինքը երբեք գործող Սահմանադրության կողմինակից չի եղել: 1995 թ. սահմանադրությունը` 2005 թ. փոփոխություններով, գերնախագահ էր դարձնում ցանկացած նախագահի, նշում է Սաֆարյանը: Ամենագլխավորը, մեր երկրում չէր ապահովվում, այսպես կոչված, ՙզսպումների և հակակշիռների համակարգը՚, որի դեպքում իշխանության անկախ ճյուղերը կարող են զսպել, հավասարակշռել, ինչպես նաև վերահսկել միմյանց`թույլ չտալով Սահմանադրության և օրենքների խախտումներ: ՙՆախագահի կողմից նշանակվող դատավորը չի կարող անաչառ լինել՚,- հավաստում է քաղաքագետը: ՙԴրան չի ձգտում նաև առաջարկվող Սահմանադրությունը`ընդամենը շեշտադրուրմները ուժի մեկ կենտրոնից, այսինքն`Բաղրամյան 26-ից (ՀՀ նախագահի նստավայր-խմբ..) մեկ այլ կենտրոն`Հանրապետության հրապարակ (կառավարություն-խմբ.) տեղափոխելով: Բացի այդ, մենք կորցնում ենք ժողովրդավարության այնպիսի կարևորագույն գործիք, ինչպես`ուղղակի ընտրությունների միջոցով նախագահի ընտրությունը՚,- ասել է Սաֆարյանը:
Հայաստանի հանրապետական կուսակցության խմբակցության պատգամավոր Կարինե Աճեմյանն իր հերթիյն գտնում է, որ եթե առաջարկվող սահմանադրական բարեփոխումներում կան բացթողումներ, դրանք զուտ տեխնիկական են, որոնք պետք է արդեն իրավաբանները և իրավագետները լուծեն: Նրա խոսքով, այդ թեմային նվիրված կլինի նաև սեպտեմբերի 14-17-ը Ազգային ժողովի առաջին քառօրյան, հնարավոր է, նաև արտահերթ նիստ գումարվի:
Նշենք, որ այսօր Հայաստան է ժամանում ԵԽ Վենետիկի հանձնաժողովի պատվիրակությունը, իսկ ՀՀ նախագահ Սերժ Սարգսյանը խորհրդակցություններ է սկսում քաղաքական ուժերի հետ: Դրանից հետո սահմանադրական փոփոխությունների նախագիծը վերջնական տեսք կընդունի: Արդեն խորհրդակցություններ են տեղի ունեցել ՀՅԴ հետ:
Հիշեցնենք, որ հուլիսի վերջին ԵԽ Վենետիկի հանձնաժողովը հրապարակել է Հայաստանի սահմանադրական բարեփո[ումների նախագծի առնչությամբ նախնական գնահատականը: Եզրակացության մեջ, մասնավորապես, ողջունվում է Սահմանադրական բարեփոխումների հանձնաժողովի աշխատանքը: Հանձնաժողովը ողջունում է նախագծի մշակման գործընթացում հայ և եվրոպացի փորձագետների միջև մշտական կապի առկայությունը, ինչի արդյունքում, Վենետիկի հանձնաժողովի խորհրդով, կարևոր փոփոխություններ են կատարվել փաստաթղթում: Ըստ որում, Վենետիկի հանձնաժողովի փորձագետները խորհուրդ են տալիս վերանայել նախագծի որոշակի դրույթներ, մասնավորապես`հանել քվեարկելու և Ազգային ժողովի թեկնածու լինելու սահմանափակումները: Փորձագետներն առաջարկում են նաև վերացնել ամենաշատ թվով ձայներ հավաքած երկու ուժերի միջև երկրորդ փուլի հնարավորությունը: Նրանց կարծիքով, անհրաժեշտ է նաև հանել Ազգային ժողովում օրենսդիր մարմնի գործողության ողջ ժամկետում նոր խմբակցություններ ձևավորելու արգելքը, քանի որ դա սահմանափակում է խորհրդարանի անդամների մանդատի ազատությունը: Ինչ վերաբերում է դատական իշխանությանը, քաղաքական իշխանությունները չպետք է որևէ կերպ միջամտեն դատավորների ազատման և նշանակման ընթացակարգին, ասվում է եզրակացության մեջ: Վենետիկի հանձնաժողովը Հայաստանի իշխանություններին կոչ է անում նաև շարունակել նախագծի քննարկումը քաղաքական բոլոր ուժերի և քաղաքացիական հանրության հետ`փաստաթղթի առնչությամբ լայն փոխհամաձայնության ձեռքբերման նպատակով:
Սերժ Սարգսյանի նախաձեռնած սահմանադրական բարեփոխումների նախագիծը ենթադրում է հանրապետության անցումը կառավարման խորհրդարանական ձևի: Նախագծով ընդլայնվում են վարչապետի լիազորությունները, ով պատերազմի պայմաններում ստանձնում է նաև երկրի ԶՈւ գերագույն գլխավոր հրամանատարի գործառույթները: Իսկ նախագահը կունենան արբիտրի դեր, ով ապահովում է երկրի Սահմանադրության իրականացման բնականոն ընթացքը: Նախագահն ընտրվում է Ընտրիչների ժողովի կողմից, այնուհետև նա նշանակում է խորհրդարանական մեծամասնության կողմից ներկայացված վարչապետին: Նախագահը պետք է անկուսակցական լինի, նա ընտրվում է 7 տարի ժամկետով`առանց հետագա վերընտրման իրավունքի: Խորհրդարանը ձևավորվում է համամասնական ընտրությունների ճանապարհով և բաղկացած է ՙառնվազն 101 պատգամավորից՚:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
