Փաշինյանը կարծում է, որ Արցախի դեպքում անհեթեթ կլիներ "հղիության երկարաձգումը հերթական 9 ամսով"

Արմինֆո. Վարչապետ Նիկոլ Փաշինյանը հիշել է իր հայտնի "Արցախը Հայաստան է և վերջ" արտահայտությունը, որի մասին իրեն անընդհատ հիշեցնում է ընդդիմությունը: Նմանություններ անցկացնելով ղարաբաղյան հարցի եւ հղիության միջեւ՝ վարչապետը նշել է, որ "անհեթեթ կլիներ հղիության երկարաձգումը հերթական 9 ամսով"։

"2016, 2017, 2018 թվականներին ի՞նչ էր Ղարաբաղը։ Անկախ պետությու՞ն էր: Ոչ:  Ընդ որում, մեզ անընդհատ կշտամբում էին, որ մենք չենք ճանաչում Լեռնային Ղարաբաղը։ Մենք ասել ենք ՝ ոչ, Ղարաբաղն անկախ պետություն չէ, նաև չենք ընդունել, որ Ղարաբաղն Ադրբեջան է։ Ոչ, որովհետև եթե որևէ մեկը համարձակվեր ասել՝ Ղարաբաղն Ադրբեջան է, հայտնի է, թե ինչպիսին կլիներ արձագանքը։ Ղարաբաղը Հայաստա՞ն է: Ոչ: Ուրեմն, եթե Ղարաբաղը ոչ անկախ պետություն է, ոչ Ադրբեջան է, ոչ էլ՝ Հայաստան, ապա ի՞նչ է իրենից ներկայացնում։ Ահա թե ինչն է կարեւոր", - հայտարարել է Փաշինյանը՝ դեկտեմբերի 3-ին խորհրդարանում 2025 թվականի պետական բյուջեի վերջնական տարբերակի նախագծի լսումների ժամանակ։

Իսկ դա կարեւոր է, քանի որ, ինչպես նշել է վարչապետը, "կարելի է 9 ամիս հղի լինել", բայց 9 ամիս հետո ինչ-որ բան պետք է տեղի ունենա։ "Երեխան կամ պետք է ծնվի, կամ՝ չծնվի, ամենայն հավանականությամբ, հանգեցնելով կրողի մահվան՝ դրանից բխող հետևանքներով: Պետք է ծնվի բնական կամ արհեստական ճանապարհով, կամ էլ հղիությունը պետք է ընդհատվի։ Պետք է ծնվի կամ տղա, կամ աղջիկ: Խնդիրն այն է, որ հղիության երկարաձգումը հերթական 9 ամսով բացարձակ անհեթեթություն է", - հավելել է կառավարության ղեկավարը։

Նրա խոսքով՝ այստեղ կարևոր է հասկանալ, թե իրականում ինչ է տեղի ունեցել ։ Այս համատեքստում Փաշինյանը նշել է, որ եթե դիտարկենք իր գլխավորած կառավարության վարած քաղաքականությունը, ապա "այն ոչ թե ճիշտ է կամ սխալ, այլ միակ հնարավորն է այսօր, որը հնարավորություն է տալիս պետություն ունենալ": "Արդեն մեզնից է կախված, թե արդյոք կօգտվենք այդ շանսից, և՝ ինչ ձևով", - ասել է Փաշինյանը։

"Համոզված եմ, որ մենք հենց այն կառավարությունն ենք, մենք հենց այն խորհրդարանն ենք, մենք հենց այն ժամանակն ենք, որը հնարավոր կդարձնի ասել՝ ահա մենք երաշխավորել ենք Հայաստանի պետականության գոյությունը գալիք հարյուրամյակի համար", - եզրափակել է ՀՀ վարչապետը:

Հիշեցնենք, որ 2019 թվականի օգոստոսի 5-ին ելույթ ունենալով Ստեփանակերտում՝ ՀՀ վարչապետ Նիկոլ Փաշինյանը թվարկել էր այն խոշոր խնդիրները, որոնք պետք է լուծեն Հայաստանը և աշխարհի բոլոր հայերը՝  մինչև 2050 թվականը: Նա ընդգծել էր, որ իր խոսքում հատուկ առանձին Արցախի մասին չի խոսում, քանի որ "Արցախը Հայաստան է և վերջ": Նա նաև ընդգծել էր, որ ղարաբաղյան հակամարտության լուծումը պետք է բավարարի բոլոր կողմերին ՝ Արցախի ժողովրդին, Հայաստանի ժողովրդին և Ադրբեջանի ժողովրդին: Արձագանքելով դրան՝ Ադրբեջանի  ղեկավար Իլհամ Ալիևը, ելույթ ունենալով Սոչիում կայացած "Վալդայ" միջազգային բանավեճի ակումբի նիստում, հայտարարել էր, որ"Ղարաբաղը Ադրբեջան է և բացականչական նշան":