Իրանի և «վեցյակի» երկրների միջև ձեռք բերված համաձայնությունը կարելի է համարել պատմական կարևորություն ունեցող իրադարձություն ոչ միայն մեր տարածաշրջանի, այլև ողջ աշխարհի համար, ու թեև առայժմ հաշտության հակառակորդներ կան թե ԱՄՆ Սենատում` սենատոր Մակքեյնի գլխավորությամբ, թե Իրանի մեջլիսում, կողմերը, այնուամենայնիվ, կհանգեն ընդհանուր հայտարարի: ԱրմԻնֆո-ի թղթակցի հետ հարցազրույցում այդպիսի կարծիք է հայտնել արտգակարգ և լիազոր դեսպան Արման Նավասարդյանը:
Ինչպես կարծում է դեսպանը, տվյալ պահի դրությամբ ԱՄՆ իրականացնում է իր տարածաշրջանային քաղաքականության վերանայում և, Թուրքիայի հետ փոխհարաբերությունների վատթարացման ֆոնին, ԱՄՆ սկսում է հարաբերությունները կարգավորել մի երկրի հետ, որը վերջերս համարվում էր «չարիքի առանցքի» կենտրոնը: Փորձագետի ասելով, որքան էլ տարօրինակ թվա, Իրանի նկատմամբ Արևմուտքի պատժամիջոցների վերացումը նոր հնարավորություններ է բացում Հայաստանի համար, և այդ հնարավորությունները չի կարելի բաց թողնել: «Շատ հեղինակավոր պետություններ համոզված են, որ Հայաստանը տարածաշրջանի միակ երկիրն է, որն ի զորու է կապող օղակ դառնալ Ռուսաստանի, Իրանի և ԱՄՆ համար: Հայաստանը դավանում է քրիստոնեություն, եվրոպական արժեքներ` միաժամանակ կրելով ասիական մշակույթի մասնիկներ: Եվ, ամենագլխավորը, Հայաստանն ունի վիթխարի սփյուռք», - կարծում է Նավասարդյանը: «Մերձավոր արևելքում` ամբողջությամբ վերցրած, և Իրանում` մասնավորապես, մոտալուտ աշխարհաքաղաքական փոփոխությունների ֆոնին Հայաստանի տարածաշրջանային քաղաքականությունը պետք է լինի ավելի նախաձեռնողական և ուղղված երկրի տարածաշրջանայի կարգավիճակի բարձրացմանը: Տարածաշրջանային քաղաքականության ասպարեզում հայտնվում է նոր խաղացող` Իրանը, և մենք կարող ենք դառնալ այդ մեծ խաղի մի մասը», - խորհուրդ է տալիս Նավասարդյանը: Այժմ, երբ Իրանն աստիճանաբար սկսում է դուրս գալ միջազգային մեկուսացումից` միջուկային դոսիեի վերաբերյալ որոշումից հետո, իրադրությունը տարածաշրջանում կտրուկ փոխվում է, ուժերի հաշվեկշիռը փոխվում է Իրանի օգտին, նշում է փորձագետը: «Հայաստանը պետք է ձգտի ինչպես Իրանին շահագրգռել մեր երկրով` Եվրասիական տնտեսական միության շուկա դուրս գալու հնարավորությամբ, այնպես էլ` Ռուսաստանին, որը պետք է, վերրջապես, հասկանա, որ տարածաշրջանում հարաբերությունները հարկավոր է կառուցել ոչ միայն հշավի առնելով «սեփական խողովակաշարերի» անցկացումը, այլև` փոխշահավետ գործընկերային հարաբերությունների հիման վրա», - հայտարարում է Նավասարդյանը:
Արտգակարգ և լիազոր դեսպանն ընդսմին դժվարացել է կանխատեսումներ անել տարածաշրջանային զարգացումների առնչությամբ: «Միջազգային իրադրությունն այնքան է բարդացել, որն նույնիսկ լուրջ փորձագետները դժվարանում են որևէ բան կանխատեսել: Ու թեև լայնածավալ պատերազմի սպառնալիք այսօր չկա, լարվածությունը կպահպանվի դեռ 20-30 տարի», - ամփոփել է նա:
Նշենք, որ Իրանը և «վեցյակի» երկրները (ԱՄՆ, Ֆրանսիա, Մեծ Բրիտանիա, Գերմանիա, Չինաստան ւ Ռուսաստան) համաձայնության են հասել իրանական միջուկային ծրագրի շուրջ` Թեհրանի նկատմամբ պատժամիջոցների վերացման դիմաց: ԱՄՆ նախագահ Բարաք Օբաման պայմանավորվածության մասին հրապարակումից անմիջապես հետո հաղորդել է, որ Իրանը պարտավորվել է ապամոնտաժել ուրանի հարստացման համար գործող ցենտրիֆուգների երկու երրորդը և դրանք պաահել միջազգային վերհասկողության ներքո: Նրա ասելով, Իրանը նաև պետք է ձերբազատվի հարստցված ուրանի իր պաշարների 98%-ից և համաձայնի ԱԷՄԳ տեսչական ստուգումներին` «երբ և որտեղ անհրաժեշտ է»: Զենքի մատակարարման արգելքի վերացումը պետք է տեղի ունենա հինգ տարվա ընթացքում: Սակայն մատակարարումները հնարավոր կլինեն ՄԱԿ Անվտանգության խորհրդի համաձայնությամբ: Համաձայնագիրը պետք է վավերացնեն բոլոր կողմերը, այն պետք է արժանանա նաև ՄԱԿ Անվտանգության խորհրդ(ի հավանությանը:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
