Դեկտեմբերը Հայաստանում համեմատաբար տաք կլինի. օդերեւութաբանների կանխատեսումը

Արմինֆո. Դեկտեմբերը Հայաստանում համեմատաբար տաք է լինելու։ Այդ մասին ասվում է ՀՀ շրջակա միջավայրի նախարարության հիդրոօդերևութաբանության և մոնիթորինգի կենտրոնի հաղորդագրությունում։

Մասնավորապես, ինչպես նշում է աղբյուրը, օդի ամսական միջին ջերմաստիճանը հանրապետության ողջ տարածքում կանխատեսվում է նորմայից 1-2 աստիճանով բարձր, իսկ տեղումների քանակը ՝ նորմայից պակաս: Ամսվա ընթացքում եղանակային պայմանները, հիմնականում, սովորականից տաք կլինեն։

Օդերեւութաբանները կանխատեսում են, որ առաջիկա հինգ օրերի ընթացքում Հայաստանում օդի ջերմաստիճանը էական փոփոխությունների չի ենթարկվի։ Դեկտեմբերի 3-ի օրվա երկրորդ կեսին, 4-7-ը սպասվում է առանց տեղումների եղանակ: Քամին՝ հյուսիս-արևելյան՝ մինչեւ 2-5 մ / վ:

Երևանում նույնպես մինչև դեկտեմբերի 7-ը սպասվում է առանց տեղումների եղանակ: Օդի ջերմաստիճանը մայրաքաղաքում  դեկտեմբերի 3-ին կկազմի 5-7 աստիճան տաքություն, երեկոյան ՝  +1 - +3, դեկտեմբերի 3-ի՝ լույս 4-ի գիշերը՝  -1 - +1: