Արմինֆո. ՀՅԴ Բյուրոն տարածել է հայտարարություն է՝ որում կարևորել է Հալեպում հայ համայնքի անվտանգության ապահովումը և առօրյա կյանքի համար տանելի պայմանների ստեղծումը Սիրիայի տարածքում:
«Հայ Յեղափոխական Դաշնակցության Բյուրոն խոր մտահոգությամբ հետևում է Հալեպում և, ընդհանրապես, Սիրիայում տեղի ունեցող վերջին օրերի իրադարձություններին։ Մեր մտահոգության և ուշադրության հիմնական առանցքում է հատկապես Հալեպի և, ընդհանրապես, Սիրիայի տարածքի հայ համայնքի անվտանգությունն ապահովելն ու առօրյա տանելի պայմաններ ստեղծելը։ Այս նպատակով ՀՅԴ Բյուրոն մշտապես կապի մեջ է համայնքի տեղի պատասխանատուների հետ, որոնք առավելագույնն են անում այս ուղղությամբ։ Նույն նպատակով կապի մեջ ենք նաև հայ հոգևոր պետերի և տարբեր քաղաքական շրջանակների հետ։ Հալեպում և, ընդհանրապես, Սիրիայում վիճակը մշտապես փոփոխվող է։ Կոչ ենք ուղղում աշխարհասփյուռ մեր ժողովրդին լինել զգոն և պատրաստ՝ ամեն ձևի օժանդակություն տրամադրելու սիրիահայ համայնքին։ Հաջորդ օրերին հավելյալ բացատրականով ու նախաձեռնությամբ կդիմենք մեր ժողովրդին», - ասվում է հայտարարությունում։
Ինչպես ավելի վաղ հաղորդել էին ԶԼՄ-ները, հղում անելով Սիրիայի Պաշտպանության նախարարությանը, Սիրիայի կառավարական բանակն անցած շաբաթվա վերջին մարտի է բռնվել ահաբեկիչների դեմ, որոնք գրոհել են Հալեպի և Իդլիբի նահանգները: Խախտելով ապաէսկալացման շուրջ համաձայնագիրը՝ "Հայաթ Թահրիր աշ-Շամ" (նախկին անվանումը ՝ "Ջեբհաթ ան-Նուսրա") ահաբեկչական կազմակերպության խմբավորումները Հալեպի և Իդլիբի նահանգների լայն ճակատում հարվածներ են հասցրել գյուղերի, բնակավայրերի և ռազմական դիրքերի ուղղությամբ: ՍԱՀ ռազմական գերատեսչության տվյալներով ՝ բանակն արձագանքել է հարձակմանը, ինչի հետևանքով ահաբեկիչները կենդանի ուժի և տեխնիկայի կորուստներ են կրել: Շաբաթ օրը Սիրիայի զինված ուժերի հրամանատարությունը հայտարարել է, որ մի քանի տասնյակ սիրիացի զինվորականներ են զոհվել Հալեպ և Իդլիբ նահանգներում ահաբեկչական խմբավորումների դեմ ռազմական գործողությունների ընթացքում, բանակը վերատեղակայում է իրականացրել՝ խաղաղ բնակիչների և զինվորների կյանքերը պահպանելու և հակահարձակման նախապատրաստվելու նպատակով: Սիրիական բանակը հաղորդել է, որ ահաբեկիչները ներթափանցել են Սիրիայի Հալեպ քաղաքի շատ շրջաններ, Սիրիայի զինված ուժերը շարունակում են հարվածներ հասցնել նրանց դիրքերին և սպասում են օգնական ուժերի ժամանմանը:
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Իսկանդարյան. Աբխազիայի քաղաքականությանը Թուրքիայի միջամտությունը միֆ է և նախընտրական PR-ի արդյունք
Հայ փորձագետը կանխատեսում է USAID-ի գործունեության մոտալուտ վերսկսում
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
