Օպտիկամանրաթելային «Beeline ինտերնետ» ծառայությունը հասանելի է նաև կորպորատիվ հաճախորդների համար

 Beeline-ը հայտարարում է իրավաբանական անձանց համար օպտիկամանրաթելային տեխնոլոգիայով (FTTB) «Beeline Ինտերնետ» ծառայության երկու նոր սակագնային փաթեթների գործարկման մասին:

Ինչպես ԱրմԻնֆո-ին հաղորդեցին ընկերության մամուլի ծառայությունից, օպտիկամանրաթելային տեխնոլոգիայով (FTTB) «Beeline Ինտերնետ» ծառայության շրջանակում կորպորատիվ հաճախորդների համար նախատեսված են 10 մբ/վրկ և 35 մբ/վրկ արագությամբ սակագնային փաթեթներ: Ամսական բաժանորդային վարձը համապատասխանաբար կազմում է 12 000 դրամ և 24 000 դրամ: 

«Օպտիկամանրաթելային տեխնոլոգիայով (FTTB) ինտերնետի աշխարհագրության ընդլայնմանը զուգահեռ մենք շարունակում ենք ներկայացնել նոր պարզ և հարմար սակագնային փաթեթներ մեր բաժանորդների համար: «Beeline Ինտերնետ» ծառայության շրջանակում առաջարկվող երկու նոր առաջարկները մեր կորպորատիվ հաճախորդներին հնարավորություն են տալիս օգտվել գերարագ օպտիկամանրաթելային ինտերնետի ծառայություններից մատչելի սակագներով», - նշել է Հայաստանում Beeline-ի գլխավոր տնօրեն Անդրեյ Պյատախինը:

Hi-Line ծառայությունից օգտվող կորպորատիվ հաճախորդները պայմանագիրը վերակնքելու դեպքում կարող են միանալ «Beeline Ինտերնետ» սակագնային փաթեթներին առանց վերահաշվարկի: 13 ամիս ժամկետով պայմանագիր ստորագրելու դեպքում «Beeline Ինտերնետ» ծառայության բաժանորդներին տրամադրվում է Wi-Fi սարք: 

Նշենք, որ օպտիկամանրաթելային տեխնոլոգիայով (FTTB) «Beeline Ինտերնետ» ծառայությունը հասանելի է Նորքի 7-րդ, 8-րդ և 9-րդ զանգվածների, ինչպես նաև Աջափնյակ, Մալաթիա-Սեբաստիա, Քանաքեռ-Զեյթուն, Արաբկիր, Ավան և Շենգավիթ թաղամասերի բնակիչներին: Beeline-ն ակտիվորեն շարունակում է ընդլայնել ծառայության աշխարհագրությունը մայրաքաղաքում:

Beeline-ի ծառայությունների և «Beeline Ինտերնետ» ծառայության գործողության տարածքների վերաբերյալ լրացուցիչ տեղեկատվություն կարելի է ստանալ Beeline վաճառքի սպասարկման գրասենյակներում  կամ զանգահարելով 100 և 8070 հեռախոսահամարներին։  

 «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. հունիսի 30-ի դրությամբ ընկերության բաժանորդների թիվը կազմում էր 219 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: