Արմինֆո. Նոյեմբերի 10-ին Ն.Ս. Օ. Տ. Տ. Գարեգին Բ ամենայն հայոց կաթողիկոսի նախաձեռնությամբ աշխարհի հայկական եկեղեցիներում տեղի կունենա էկումենիկ (համաշխարհային) աղոթք Հայաստանում խաղաղության և արդարության և Բաքվում ապօրինի պահվող պատանդների ազատ արձակման համար:
Աղոթքներ կկատարվեն Հայ առաքելական եկեղեցու աշխարհի բոլոր թեմերում: Նախաձեռնությանը միացել են նաև Մեծի Տանն Կիլիկիո Կաթողիկոս Արամ Ա-ն և Եկեղեցիների համաշխարհային խորհուրդը:
Գարեգին Բ-ն կոչով դիմել է բոլոր հայերին՝ գնալ եկեղեցի և միանալ աղոթքին: Նա նշել է, որ այդ իրադարձությունը կարող է օգնել միջազգային հանրության ուշադրությունը հրավիրել գերիների հարցի վրա՝ նոյեմբերի 11-ին Ադրբեջանում կայանալիք COP29 կլիմայական գագաթնաժողովի նախաշեմին: "Մենք անկեղծորեն հույս ունենք, որ հոգևոր այս ջանքերը կբարձրացնեն համաշխարհային հանրության իրազեկվածությունն այս շարունակվող հումանիտար ճգնաժամի վերաբերյալ և կնպաստեն ճշմարտության և արդարության վրա հիմնված խաղաղ լուծմանը", - նշել է Գարեգին Բ ամենայն հայոց կաթողիկոսը:
Մեծի Տանն Կիլիկիո Կաթողիկոս Արամ Ա-ն, իր հերթին, հայտարարել է. "Մենք կոչ ենք անում բոլոր կրոնական համայնքներին, միջազգային կազմակերպություններին և բարի կամքի տեր մարդկանց միանալ մեր աղոթքին և ակտիվացնել ջանքերը Բաքվից բոլոր հայ գերիներին անհապաղ և անվերապահ ազատ արձակելու պահանջով։ COP29 գագաթնաժողովին մասնակցող միջազգային հանրությանը հիշեցնում ենք, որ արդարությունն ու խաղաղությունը սերտորեն փոխկապակցված են և չեն կարող առանձնացվել միմյանցից: Մենք չենք կարող կլիմայական արդարություն պահանջել՝ առանց դատապարտելու մարդու իրավունքների խախտումները":
Եկեղեցիների համաշխարհային խորհուրդը (ԵՀԽ), որին անդամակցում են ավելի քան երեք հարյուր քրիստոնեական եկեղեցիներ ավելի քան հարյուր երկրներից, նույնպես պատրաստակամություն է հայտնել միանալու Հայաստանին նվիրված աղոթքի օրվան՝ խաղաղության հաստատման, փախստականներին աջակցության և գերիների ազատ արձակման համար: ԵՀԽ գլխավոր քարտուղար Ջերի Փիլեյը կոչ է արել բոլոր եկեղեցիներին միանալ նոյեմբերի 10-ի աղոթքին և դիմել միջազգային հանրությանը ՝ խնդրելով շարունակել աջակցությունը: "Մենք մնում ենք աղոթքի համերաշխության մեջ Հայ առաքելական եկեղեցու եւ Հայաստանի էկումենիկ գործընկերների հետ", - ասել է Ջերի Փիլեյը՝ վերահաստատելով արդար եւ տեւական խաղաղության կոչը միջազգային մարդասիրական եւ մարդու իրավունքների օրենքներին համապատասխան: Եկեղեցիների համաշխարհային խորհուրդը ամենամեծ միջազգային էկումենիկ կազմակերպությունն է, որը միավորում է շուրջ 400 միլիոն քրիստոնյաների ողջ աշխարհում:
Սա առաջին նախաձեռնությունը չէ, որը կոչված է ուշադրություն հրավիրելու Բաքվի բանտերում քաղաքական բանտարկյալների խնդրին: #FreeArmenianHostages միջազգային քաղաքացիական շարժումը, որը մեկնարկել էր մի քանի ամիս առաջ, խնդիր է դրել լուսաբանել եւ միջազգային հանրության ուշադրությունը հրավիրել ալիևյան ռեժիմի բանտարկյալներին: ՄԱԿ-ի կլիմայի փոփոխության COP29 խորհրդաժողովը, որն սկսվում է նոյեմբերի 11-ին Բաքվում, աշխարհին հնարավորություն է տալիս տեսնելու մարդու իրավունքների խախտումներին առնչվող իրավիճակն Ադրբեջանում: Շարժումը հիմնված է այն պնդման վրա, որ միջազգային հանրությունը չպետք է հնարավորություն տա կլիմայական օրակարգով արդարացնել պատերազմական հանցագործությունները, մարդկության դեմ հանցագործությունները, և կոչ է անում գրառումներով աջակցել նախաձեռնությանը սոցիալական ցանցերում՝ #FreeArmenianHostages #HumanRights #JusticeForArmenia #COP29 #StopGreenwashGenocide #FreePoliticalPrisoners:
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
