Վրաստանի արեւմտամետ ընդդիմությունն սկսել է հայատյացություն տարածել երկրում խորհրդարանական ընտրությունների արդյունքների ֆոնին

Արմինֆո. Վրաստանի արևմտամետ ընդդիմությունը սկսել է այատյացություն տարածել երկրում կիրակի օրվա խորհրդարանական ընտրություններում իր համար ձախողված արդյունքների ֆոնին։

Այսպես, Վրաստանի նախագահ Սալոմե Զուրաբիշվիլիի նախկին աշխատակից, այժմ "Ազգային շարժման" ներկայացուցիչ Ալեքսանդր Կրևո-Ասաթիանին հայերին մեղադրել է Իվանիշվիլիի հաղթանակի համար։ "Ես հայ չեմ։ Ես այնքան չեմ հասկանում Հայաստանի ներքին քաղաքականությունը, որպեսզի հանդգնեմ և մեկնաբանեմ այն։ Սակայն:  Բոլորը պետք է հասկանան, որ խարդախության ամենաակնհայտ դեպքերը տեղի են ունեցել էթնիկ հայկական մեծամասնություն ունեցող շրջաններում։ Նինոծմինդայի որոշ հատվածներում "Վրացական երազանքի" համար մոտ 95 տոկոս արդյունք կա։

Որոշ տեղերում մենք տեսանք, բռնություն, ահաբեկում, կաշառակերություն, քվեաթերթիկների լցոնում: Եվ այս ամենը հանուն ինչի՞: Կառավարության համար, որը ուժով  էթնիկ փոքրամասնություններին և այնպիսի տարածաշրջաններ, ինչպես Նինոծմինդան, պահել է խոր աղքատության մեջ, որպեսզի նրանց ձայն չտան:

Երբ Փաշինյանը հավանություն է տալիս "Վրացական երազանք"-ի խարդախությանը, նա ասում է, որ էթնիկ հայ համայնքները կարելի է օգտագործել որպես խաղազինվորներ", - գրել է ընդդիմադիրը «Թվիթեր»-ի իր էջում:

Վրաստանի նախագահ Սալոմե Զուրաբիշվիլին, իր հերթին, Associated Press-ին  հարցազրույցում անդրադառնալով անցած ընտրությունների կեղծիքներին, օգտագործել է "հայկական կարուսել" տերմինը։ Թեև քաջ հայտնի է, որ կրկնաքվեարկության մեթոդները միայն Հայաստանում չեն օգտագործվում, և այն հորինել են բնավ ոչ հայերը:

Զուրաբիշվիլին ընդգծել է, որ հոկտեմբերի 26 - ի ընտրությունները կեղծիք է՝ բարդ միջոցների կիրառմամբ ։ "Դա ներառում էր խախտումներ, այդ թվում ՝ ահաբեկում, ճնշում պետական ծառայությունից կախված կամ սոցիալապես անապահով մարդկանց նկատմամբ։ "Մարդիկ, որոնց օգտագործել են նաեւ նախկինում, տարբեր ժամանակաշրջաններում, բայց այս անգամ դա տեղի է ունեցել տեխնոլոգիաների կիրառման համադրմամբ", - ասել է նախագահը:

Հարցին, թե ինչ նկատի ունի նախագահը, "տեխնոլոգիաների կիրառում" ասելով, Զուրաբիշվիլին պատասխանել է. "Հայկական կարուսել": "Հայկական կարուսել". մենք այստեղ այն անվանում ենք "հայկական կարուսել", ես չգիտեմ, թե արդյոք նրանք այն անվանում են "վրացական կարուսել": Դա նշանակում է, որ ընտրություններից որոշ ժամանակ առաջ նրանք սկսել են տարբեր պատրվակներով սոցիալապես անպաշտպան մարդկանցից, բանտարկյալների ընտանիքներից վերցնել անձը հաստատող փաստաթղթերը. ոչ ոք չէր կարող հասկանալ, թե ինչու են դա անում: Փաստորեն, դրանք (վկայականները - խմբ.) քվեարկության համար օգտագործվել են նույն անձի կողմից ։ Մեկ անձը հաստատող փաստաթղթի և տարբեր էլեկտրոնային սարքերի միջոցով հնարավոր է եղել այն շրջել մոտ 17 անգամ։ Նրանք ունեցել են մեծ թվով անձը հաստատող փաստաթղթեր կամ համարներ", - հայտարարել է պետության ղեկավարը։

Ուշագրավ է, որ Զուրաբիշվիլին, չգիտես ինչու, համառորեն չի նկատել քվեաթերթիկների զանգվածային լցոնումները հիմնականում ադրբեջանցիներով բնակեցված Մառնեուլում։ Իրավիճակը հասել է այն բանին, որ Վրաստանի ԿԸՀ-ը չեղյալ է հայտարարել այդ տարածաշրջանի ընտրատեղամասերում քվեարկության արդյունքները։

Այսպիսով, փաստորեն, ստացվում է, որ Վրաստանի նախագահն իր հայտարարություններով երկրում հակահայկական տրամադրություններ է տարածում։ Եվ դա հենց վրացական ԶԼՄ-ների այն հաղորդագրությունների ֆոնին, որ արդեն իսկ ստեղծվել է ազգային փոքրամասնությունների ՝ երկրում կառավարող ուժի օգտին քվեարկելու միտում՝ ոչ միայն հայ ազգության։

Հավելենք, որ Վրաստանի ԿԸՀ նախնական տվյալների համաձայն,  "Վրացական երազանքը" հավաքել է ձայների ավելի քան 50% - ը, իսկ 5% - ի շեմը հաղթահարել են չորս ընդդիմադիր կոալիցիաներ: "Վրացական երազանք" ՝ 53 931%, "Հանուն փոփոխությունների" կոալիցիա՝ 11 035%, "Միասնություն - ազգային շարժում" կոալիցիա՝ 10 167%, "Ուժեղ Վրաստան" կոալիցիա՝ 8,81%, "Գախարիան հանուն Վրաստանի"  կուսակցություն՝ 7,768% ։