The Blunt Post. ՄԱԿ-ն արդարացնում է մարդկության դեմ Ալիևի հանցագործությունները և անտեսում Արցախի ցեղասպանությունը

Արմինֆո.ՄԱԿ-ն արդարացնում է մարդկության դեմ Ալիևի հանցագործությունները և անտեսում Արցախի ցեղասպանությունը՝ Ադրբեջանում անցկացնելով COP29 կլիմայի համաժողովը: Այդ մասին ասվում է The Blunt Post-ի հոդվածում։

"ՄԱԿ-ը, թույլ տալով տոտալիտար երկրին անցկացնել ՄԱԿ-ի միջոցառումը, դարձավ Ադրբեջանի կառավարության կողմից հայ ժողովրդի դեմ իրականացված ցեղասպանության կանխամտածված հանցակիցը: ՄԱԿ-ը և համաշխարհային կազմակերպության մասնակից երկրները այս գործողությամբ մեղսակից են դարձել կեղծված պատմական պատմությունների քարոզչությանը, հայ ժողովրդի մշակութային և կրոնական ժառանգության ապօրինի յուրացմանը և ոչնչացմանը, ինչպես նաև ադրբեջանական ղեկավարության խաբելու քաղաքականությանը՝ նպատակ ունենալով ստանալ միջազգային կազմակերպությունների և կառավարությունների աջակցությունը իրենց նպատակին ՝ Հայաստանի գոյության հարցի "վերջնական լուծմանը" հասնելու համար", - ասվում է հոդվածում ։

Հեղինակը նաև նշում է, որ ակնհայտ շահերով պայմանավորված այս ակտով ՄԱԿ-ն անտեսում է Ադրբեջանի կողմից հայ ժողովրդի դեմ իրականացվող ատելության, բռնության և ապատեղեկատվության արշավները, ինչպես նաև՝ ժողովրդավարական Հայաստանի Հանրապետությունը ոչնչացնելու և իր պանթուրքական նկրտումները կյանքի կոչելու նրա ձգտումը: Վերլուծական հոդվածում արձանագրվում է, որ վերջին 20 տարիների ընթացքում Ադրբեջանը անշեղորեն նահանջել է ժողովրդավարական սկզբունքների և խոսքի ազատության պահպանման միջազգային վարկանիշներում:

"Կոռուպցիան ծաղկում է, իսկ հետապնդումների տարիները թուլացրել են պաշտոնական քաղաքական ընդդիմությունը։ Վերջին տարիներին իշխանությունները իրականացրել են քաղաքացիական ազատությունների լայնածավալ ճնշում՝ քիչ տեղ թողնելով անկախ արտահայտման կամ ակտիվության համար: Ալիևի կառավարությունը նաեւ վերջին շրջանում ավելի արմատական է դարձել իր գաղափարախոսության մեջ ։

Այս նոր պարադիգմը հիանալի կերպով պատկերում է մայրաքաղաք Բաքվում վերջերս ստեղծված ռազմական ավարի պուրակը, որտեղ ցուցադրված են հայկական ուժերից առգրավված զինտեխնիկան, ինչպես նաև հակառակորդի սպանված մարտիկների սաղավարտներն ու հայ զինվորներին պատկերող ծաղրանկարային դիմագծերով մոմե ֆիգուրները: Որոշ դիտորդներ այդ ծաղրանկարներն անվանել են "անմարդկային"", - գրում է հոդվածագիրը ։

Աղբյուրը հիշեցնում է, որ 2020թ.սեպտեմբերի 27-ին Ադրբեջանը Թուրքիայի օգնությամբ և իսրայելական առաջադեմ սպառազինության կիրառմամբ կազմակերպել է նոր ցեղասպանություն և էթնիկ զտումներ Արցախի Հանրապետության (Լեռնային Ղարաբաղի) խաղաղ բնիկ հայ բնակչության դեմ: Ընդգծվում է նաև, որ այդ գործողությունների իրականացման համար ներգրավվել են վարձկան ջիհադիստներ ԻԼԻՊ-ից, Սիրիայից, Լիբիայից և Պակիստանից, որպեսզի նրանք սպանեն հայերին և լայնածավալ էթնիկ զտումներ իրականացնեն:

Հոդվածագիրը նաև հիշեցնում է Արցախի տասնամսյա շրջափակման և 2023 թվականի սեպտեմբերի 19-20-ը ԼՂՀ նկատմամբ Ադրբեջանի նոր ագրեսիայի մասին։

 Դրա հետ մեկտեղ նշվում է, որ COP29-ն անցկացվում է ավտորիտար նավթային պետությունում ՝ մարդու իրավունքների խախտումների ցնցող պատմությամբ, ներառյալ բնապահպանական բողոքի ակցիաների ճնշումն ու լրագրողների ձերբակալությունները:

Անցյալ տարվա հունիսին Բոննի կլիմայի խորհրդաժողովում պետությունները կարևորեցին մարդու իրավունքների ներառումը ԿԳ - ի կազմակերպիչ երկրների հետ համաձայնագրերում:

"ՄԱԿ-ը պետք է հավատարիմ մնա իր սկզբունքներին և Ադրբեջանից պահանջի հետևյալը.  ճանաչել Արցախի ցեղասպանությունը, ճանաչել Արցախի Հանրապետությունը, թույլ տալ արցախահայությանը վերադառնալ հայրենի հող ՝ երաշխավորելով Արցախի անվտանգությունը, հատուցումներ վճարել Արցախի ժողովրդին պատերազմական հանցագործությունների և մարդկության դեմ հանցագործությունների համար, ազատ արձակել բոլոր հայ պատանդներին և առևանգվածներին , ազատ արձակել բոլոր քաղբանտարկյալներին և լրագրողներին բանտից ՝ անկախ ազգությունից: COP29 - ի ժամանակ հրադադարի մասին Ադրբեջանի առաջարկը դատարկ ձայն է հնչում, եթե վերոնշյալ պայմանները միանշանակ չկատարվեն", - վստահ է հոդվածագիրը ։

Հոդվածում ընդգծվում է, որ ՄԱԿ-ը բավարար չէ քննարկելու միջազգային իրավունքի սկզբունքները. այն պետք է ապահովի դրանց միատեսակ կիրառումը բոլոր երկրներում:

"Հանածո վառելիքի հսկայական պաշարներ ունեցող վտարանդի երկրներին պետք չէ խրաաախուսել։ Հակառակ դեպքում դա խարխլում Է ՄԱԿ-ը և վնասում կլիմայի փոփոխության համաժողովի հեղինակությանը:

ՄԱԿ-ի պատասխանը Արցախի ցեղասպանությանը ոչ այլ ինչ էր, քան "քարտ-Բբանշ" Ադրբեջանի համար մարդկության դեմ իր կանխամտածված հանցագործությունների կատարմանը ՝  բնօրրանում արցախահայությանը բնաջնջելով իրենց նախնիների հայրենիքում՝ կոտորածի, սովի և ահաբեկչության միջոցով:

Այսօր ՄԱԿ-ը գտնվում է մի խաչմերուկում, որը կորոշի, թե արդյոք այն կլինի հանցավոր պետություններին սպասարկող կազմակերպություն, թե կշարունակի հավատարիմ մնալ մարդու իրավունքների պաշտպանության, բնապահպանական պատասխանատվության և հակակոռուպցիոն քաղաքականության ապահովման իր ամենակարևոր հիմնարար սկզբունքներին:

Այս քաղաքականությունը կտրուկ հակադրվում է COP29 համաժողովն այնպիսի երկրում անցկացնելու ՄԱԿ - ի որոշմանը, որը բացահայտ ոտնահարում է դրանք, քանի որ այն վստահորեն ցույց է տալիս ՄԱԿ-ի մեղսակցությունը գլոբալ եւ տարածաշրջանային հանցավոր գործունեության հետապնդմանը", - ամփոփված է հոդվածում ։