Աշխատանքի եւ սոցիալական հարցերի նախարար. վերջին տասնամյակների ընթացքում Հայաստանում չի ծնվել մոտ 80 հազար աղջիկ

Արմինֆո.Վերջին տասնամյակների ընթացքում սելեկտիվ աբորտների հետևանքով Հայաստանում մոտ 80 հազար աղջիկ չի ծնվել։ Այդ մասին հոկտեմբերի 17-ին կառավարության նիստի ժամանակ հայտարարել է ՀՀ աշխատանքի եւ սոցիալական հարցերի նախարար Նարեկ Մկրտչյանը։

<80 հազար աղջիկ կարող էր ծնվել եւ վերարտադրողական տարիքում էական ազդեցություն ունենալ մարդկային կապիտալի վրա>, - ընդգծել է նա: Նախարարն այդ առնչությամբ նշել է, որ սելեկտիվ աբորտները Հայաստանի բնակչության կառուցվածքի դեգրադացիայի պատճառներից մեկն են:

Իր հերթին՝ ՀՀ վարչապետ Նիկոլ Փաշինյանը, հղում անելով կատարված ուսումնասիրություններին, որոնց ավելի վաղ ծանոթացել է, հավելել է, որ առաջիկա տարիներին սելեկտիվ աբորտները էական բացասական ազդեցություն կունենան կամ արդեն ունեն երկրի վերարտադրողական ներուժի վրա:

Նշենք, որ ըստ ՀՀ վիճակագրական կոմիտեի տվյալների,  2024թ. հունվար-օգոստոս ամիսներին Հայաստանում ծնվել է 21 876 երեխա, ինչը 7.3% - ով ցածր է մեկ տարվա վաղեմության ցուցանիշից, ընդ որում, մահացել է 17 213 մարդ, ինչը 4.9% - ով բարձր է մեկ տարվա վաղեմության ցուցանիշից: Այսպիսով, բնակչության բնական աճի բացարձակ մեծությունը կազմել է 4 663 մարդ, ինչը 35,1% - ով ցածր է մեկ տարվա վաղեմության մակարդակից: