Երևանում սպասվում է անմոռանալի ջազային երեկո՝ Ռեյ Բրաուն Կրտսերի մասնակցությամբ

Արմինֆո.Երևանում սպասվում է անմոռանալի ջազային երեկո: Հայաստանի մայրաքաղաք է ժամանում Ռեյ Բրաուն Կրտսերը ՝ լեգենդար  ջազմեններ Ռեյ Բրաունի և Էլլա Ֆիցջերալդի որդին։ Հոկտեմբերի 14-ին  Առնո Բաբաջանյանի համերգասրահում տեղի կունենա երաժշտի համերգը:

Ռեյ Բրաուն Կրտսերը ծնվել է Նյու Յորքում ։ Ռեյի դեբյուտային Slow Down for Love ալբոմը ընդգրկվել է 2001 թվականի լավագույն ջազ ալբոմների ցանկում։ Նրա երկրորդ ալբոմը ՝ Commited from the Heart-ը, թողարկվել է 2003 թվականին, որին հաջորդել է նրա երրորդ սոլո ալբոմը ՝ Stand by Me (2007) ։ 2008 թվականի սեպտեմբերին Ռեյ Բրաուն Կրտսերը թողարկելէ  <Ընկերներ և ընտանիք > ալբոմը՝ այնպիսի աստղերի մասնակցությամբ, ինչպիսիք են Ջեյն Մոնհեյթը, Մելբա Մուրը, Դիոն Ուորվիկը և շատ ուրիշներ ։ Ալբոմում ներառվել է նրա ծնողների ՝ Էլլա Ֆիցջերալդի և Ռեյ Բրաունի հետ ձայնագրությունը: 2018 թվականին թողարկվեց նոր This is Ray Brown Jr սկավառակը, իսկ 2020 թվականին Ռեյը սկսել է աշխատել իր օրիգինալ ստեղծագործությունների ալբոմի վրա, որը, գործնականում, պատրաստ է։