Մեկնարկել է երկրի ամենավառ մշակութային իրադարձությունը. «Հայ ֆեստ»-ը գրավել է Հայաստանի թատերաբեմերը

Արմինֆո. Հոկտեմբերի առաջին օրը Երևանում մեկնարկել է երկրի ամենավառ թատերական իրադարձությունը՝ «Հայ ֆեստ» փառատոնը, որը Հայաստանում անցկացվում է արդեն 22 տարի անընդմեջ ՝ մեր երկիրը դարձնելով կատարողական և թատերական արվեստի կենտրոն: Միայն այս տարի փառատոնին մասնակցում են 30-ից ավելի թատերական խմբեր՝ 18 երկրներից, այդ թվում ՝ Իտալիայից, Ֆրանսիայից, ԱՄՆ-ից, Գերմանիայից, Լեհաստանից, Բելառուսից, Արգենտինայից, Իսպանիայից, Ֆրանսիայից, Ղրղզստանից, Ռուսաստանից և այլն:

Մասնակիցների ընդհանուր թիվը կգերազանցի 100-ը, որոնց թվում են անվանի հյուրեր, ինչպիսիք են Ռոման Դոլժանսկին (ՌԴ), Արթուր Գրիգորյանցը (Գորկի+ արվեստների փառատոնի գլխավոր պրոդյուսեր), Տատյանա Բոբրովան (ՌԴ), Մարիուս Իվաշկյավիչյուսը ( Լիտվացի գրող, դրամատուրգ, սցենարիստ, թատրոնի եւ կինոյի ռեժիսոր):

Փաառատոնը բացվել էԳաֆէսճեան այգում՝ իտալական eVenti Verticali թատրոնի հիասքանչ օդային շոուով։ Թատրոնը աշխարհ առաջատար 10-նյակում է, նրան հաջողվել է ստեղծել իր տեսողական լեզուն, որը միավորում է միանգամից մի քանի տարրեր՝ կրկես, ակրոբատիկա, պար, երաժշտություն և նորարարություն: Թատրոնն իր բեմադրությունների համար օգտագործում է կախովի եռաչափ տեսարան ՝ խորանարդի տեսքով ։ Թատրոնի բեմադրիչն է Անդրեա Պիալինին:

Լրագրողների հետ զրույցում «Հայ ֆեստ»-ի հիմնադիր, նախագահ և գաղափարական ներշնչող Արթուր Ղուկասյանը նշել է, որ դժվար է փառատոնը 22 տարի անընդմեջ անցկացնել, բայց հանդիսատեսի անկեղծ հետաքրքրությունը փառատոնի, մամուլի հանդեպ թույլ չի տալիս նահանջել, այլ, հակառակը, ուժ է տալիս՝ շարունակելու երազել:

Ի դեպ, նշենք, որ այս տարի «Հայ ֆեստ»-ն անցկացվում է Festival of Dreams կարգախոսի ներքո:

<Մենք միշտ լի ենք եղել նորարարություններով, քանի որ, եթե փառատոնը չի զարգանում, ապա ինչու՞ այս ամենը իրականացնել> ,- հարցրել է «Հայ ֆեստ»-ի հիմնադիրը: Ընդ որում, նա նշել է, ո0ր նման մոտեցումը օգնում է փոխել ոլորտը, ինչ-որ չափով՝ դաստիարակել հանդիսատեսին։ Քանի որ հանդիսատեսն ամեն տարի պահանջում է ավելի բարդ թատրոններ, բարդ ներկայացումներ։

Ղուկասյանը նշել է, որ այս տարի փառատոնին մասնակցող կոլեկտիվներն իրենից ներկայացնում են միաբանություն, ժանրերի, ոճերի համադրում, ինչն արդեն միանգամայն նորմալ է ընկալվում հանդիսատեսի կողմից:

Նշենք, որ փառատոնի շրջանակներում ներկայացվելու են հետևյալ բեմադրությունները. Գասպար և Պարողներ թատրոնի «Կոստյում Լինդա» (ԱՄՆ), Գորկի + Մոսկվայի Արվեստի Փառատոնի թատերական նախագծի «Արթնացեք» (Ռուսաստան), Մարկոցի Ժամանակակից Թատրոն «Մսագործը» (Գերմանիա), Կատանարի թատրոն «Տուն-Կղզի» (Չեխիայի Հանրապետություն), բացօթյա ներկայացումներից Էլ՝ Գոմայի «Ատարի Շոու» (Գերմանիա), ՊՅՈՏԵՐ «Մեղքեր Խժռողը» (Լեհաստան)։ Բացի այդ, փառատոնի ծրագրում ընդգրկված են նաև հայկական և իրանական թատրոնների ներկայացումները:

Ամբողջական ծրագրին կարելի է ծանոթանալ https://highfest.am/ կայքում:

Փառատոնն այս տարի անցկացվում է Կրթության, գիտության, մշակույթի և սպորտի նախարարության, Երևանի քաղաքապետարանի, Հայաստանում ԱՄՆ-ի, Սլովակիայի դեսպանատների, Հ. Թումանյանի անվան պետական տիկնիկային թատրոնի, Գաֆէսճեան արվեստի կենտրոնի աջակցությամբ:

Հիշեցնենք, որ կատարողական արվեստի «Հայ ֆեստ» միջազգային փառատոնը Հայաստանում անցկացվում է 2003 թվականից: Երկու տասնամյակի ընթացքում փառատոնին մասնակցել են ավելի քան 500 արտասահմանյան ընկերություններ, 5000 մասնակիցներ և հյուրեր: Հարկ է նշել, որ «Հայ ֆեստ»-ը 2019 թվականին ընդգրկվել է Եվրոպայի առաջատար փառատոնների շարքում և ճանաչվել լավագույնը նախկին ԽՍՀՄ տարածքում (չհաշված Մոսկվան) ։