ԱՄՆ ՄԶԳ ղեկավարի տեղակալ. Գրեթե մեկ տարի առաջ Ադրբեջանը հարձակվեց եւ գրավեց Լեռնային Ղարաբաղը

Արմինֆո.Մոտ մեկ տարի առաջ Ադրբեջանի կառավարությունը հարձակվեց և զավթեց Լեռնային Ղարաբաղի նկատմամբ վերահսկողությունը, որի արդյունքում ավելի քան 100 000 էթնիկ հայեր ստիպված եղան լքել իրենց տները: Այդ մասին Վաշինգտոնում ՀՀ դեսպանությունում հայտարարել է ԱՄՆ Միջազգային զարգացման գործակալության (USAID) ղեկավարի տեղակալ Իզոբել Քոլմանը՝ Հայաստանի անկախության օրվա առթիվ կազմակերպված ընդունելության ժամանակ իր ելույթում։

Այդ համատեքստում նա ուշադրություն է հրավիրել այն հանգամանքի վրա, որ 2023 թվականից ԱՄՆ ՄԶԳ-ը 18 միլիոն դոլար Է հատկացրել այդ բնակչությանն աջակցելու համար, այդ թվում ՝ ավելի քան 5 միլիոն դոլար  անհապաղ մարդասիրական արձագանքման համար, և ավելի քան 12 միլիոն դոլար՝ աջակցելու Հայաստանի կառավարության ջանքերին ՝ Լեռնային Ղարաբաղից տեղահանված բնակիչներին ծառայություններ մատուցելու համար, որոնք որոշել են մնալ Հայաստանում։

"Ես ողջունում եմ Հայաստանի կառավարության ջանքերը Ադրբեջանի հետ խաղաղության համաձայնագրի կնքման ուղղությամբ, որը կարող է վերջ դնել հակամարտության տասնամյակներին և նպաստել ավելի խաղաղ և բարգավաճող տարածաշրջանի ապագա սերունդների համար", - նշել է գործակալության ղեկավարի տեղակալը:

Այնուհետև նա սուր քննադատության է ենթարկել Ռուսաստանին։ Նրա հավաստմամբ, նայելով ապագային, Հայաստանը շարունակում է բախվել Ռուսաստանի ճնշմանը, որը ձգտում է սահմանափակել Հայաստանի ընտրությունը եւ փակել նրան խորհրդային տնտեսական եւ էներգետիկ հարաբերություններում:

"Մենք կարծում ենք, որ Հայաստանն ու նրա ժողովուրդը պետք է հնարավորություն ունենան ընտրելու իրենց սեփական ուղին, և մենք գնահատում ենք սեփական պայմաններով դեպի ավելի մեծ ազատություն և բարգավաճում շարժվելու Հայաստանի վճռականությունը:

Մենք ԱՄՆ կառավարությունում, և ոչ վերջին հերթին ԱՄՆ ՄԶԳ-ի ադմինիստրատոր Սամանթա Փաուերը, ամեն ինչ անում ենք այդ էական առաջընթացին աջակցելու համար՝ սկսած ապրիլին ԵՄ-ի հետ ի աջակցություն Հայաստանի պատմական եռակողմ հանդիպմանը մասնակցելուց մինչև հունիսին պաշտոնական ռազմավարական գործընկերության միջոցով մեր երկկողմ հարաբերությունների բարձրացումը: Մեր հարաբերությունները թևակոխում են ավելի լայն և խորը համագործակցության նոր դարաշրջան, և Միացյալ Նահանգները շարունակում է հավատարիմ մնալ Հայաստանին աջակցելու հանձնառությանը, որպեսզի նա կարողանա շարժվել իր ընտրած ճանապարհով", - հավելել Է ամերիկացի պաշտոնյան:

Քոլմանի խոսքով ՝ Անկախության օրը կարևոր հանգրվան է Հայաստանի պատմության մեջ: "Բայց մենք գիտենք, որ անկախությունն այն շարունակական ճանապարհն է, որով հայ ժողովուրդը շարունակում է անցնել ամեն օր ՝ ձգտելով խաղաղության և ազատության, նույնիսկ, այն ուժերի առջև, որոնք ձգտում են սահմանափակել հնարավորությունները հարկադրանքի և վերահսկողության միջոցով: Անկախության այս օրը մենք խորհում ենք Պատմական տոկունության կարևորության մասին ՝ միաժամանակ հանդես գալով ավելի պայծառ ապագայի օգտին. ապագա, որը նշանավորվում է բարգավաճող ժողովրդավարությամբ, խաղաղությամբ, Հայաստանի ինքնիշխանության և տարածքային ամբողջականության նկատմամբ հարգանքով, հուսալի տնտեսությամբ և յուրաքանչյուր հայի համար բարեկեցիկ և լիարժեք կյանք կառուցելու հնարավորությամբ", - ամփոփել է ԱՄՆ ՄԶԳ ներկայացուցիչը: