Երեթշաբթի, 17 Սեպտեմբերի 2024 10:52

Արմինֆո.Իրանի արտաքին քաղաքականության նպատակներն ու մտադրությունները հիմնված են աշխարհում միաբևեռ համակարգի գերիշխանության բեկման վրա, և բոլոր համաձայնագրերը, ինչպիսիք են ՇՀԿ-ն, BRICS-ը և այլն, ուղղված են դրան: Ինչպես հաղորդում են ԶԼՄ-ները, վկայակոչելով Fars News Agency-ն, այդ մասին հայտարարել է Առաջատարության գծով փորձագետների վեհաժողովի փոխնախագահ եւ Իրանի Սահմանադրության պահապանների խորհրդի անդամ այաթոլլա Ալիռեզա Արաֆին:

 

"Դրա վրա են հիմնված բարեկամական, տնտեսական, քաղաքական, գիտական հարաբերություններն այնպիսի երկրների հետ, ինչպիսիք են Չինաստանը և Ռուսաստանը, բայց մենք նախազգուշացնում ենք Ռուսաստանին, որ, չնայած բարեկամական հարաբերություններին, երեք կղզիների սեփականության հարցերը և "Զանգեզուրի միջանցքը" մեր կարմիր գծերն են", - նշել է նա:

 

Ավելի վաղ իրանցի մի շարք այլ բարձրաստիճան պաշտոնյաներ ընդգծել էին Հայաստանի Սյունիքի մարզով արտատարածքային միջանցքի գործարկման անթույլատրելիությունը: Միջանցք, որը փորձում է ստանալ Ադրբեջանը ՝ մայրցամաքային Ադրբեջանի և Նախիջևանի միջև ցամաքային կապ ապահովելու համար։