Հինգշաբթի, 12 Սեպտեմբերի 2024 18:20

Արմինֆո.ԱՄՆ Հելսինկյան հանձնաժողովում "Աջակցություն Հայաստանի ժողովրդավարությանը և արևմտյան ապագային" լսումների ժամանակ Սենատի միջազգային հարաբերությունների կոմիտեի նախագահ Բեն Քարդինը դատապարտել է Ադրբեջանի կողմից Արցախում իրականացված էթնիկ զտումը և Հայաստանի նկատմամբ շարունակվող ագրեսիան: Այդ մասին հաղորդում է Ամերիկայի Հայ դատի հանձնախումբը (ANCA)։

 

Նշվում է, որ լսումներին մասնակցելու համար հրավիրվել էին երեք փորձագետ-վկաներ ՝ ԵԱՀԿ-ում ԱՄՆ նախկին դեսպան Դեն Բիրը, Միջազգային ճգնաժամային խմբի Հարավային Կովկասի հարցերով նախկին վերլուծաբան Օլեսյա Վարդանյանը, Երևանի ժողովրդավարության և անվտանգության տարածաշրջանային կենտրոնի նախագահ Տիգրան Գրիգորյանը:

 

Անդրադառնալով վերջերս Հելսինկյան հանձնաժողովի պատվիրակության Հայաստան կատարած այցին ՝ հանձնաժողովի նախագահ Կարդենը նշել է, որ բացի Լեռնային Ղարաբաղում էթնիկ զտումներ իրականացնելուց, Ադրբեջանը նաև ձգտում է "ուժով ոչնչացնել Հայաստանի ինքնիշխանության մի մասը" ՝ միաժամանակ շարունակելով ոտնձգությունները Հայաստանի ինքնիշխան տարածքների նկատմամբ:

 

Միևնույն ժամանակ, Կարդենը անհավասար է համարել Երևանի և Բաքվի միջև խաղաղ գործընթացի ներկա պայմանները, նշելով, որ դրա արդյունքում սահմանային հարցերը չեն լուծվում:

 

Հրավիրված փորձագետների կարծիքով՝ Ադրբեջանի հարձակումը Լեռնային Ղարաբաղի վրա և ներխուժումը Հայաստանի ինքնիշխան տարածք ուղղակի սպառնալիք են Հայաստանի անվտանգության համար: Նրանք հիշատակել են հայկական տարածքներում Ադրբեջանի ռազմական ներկայության ուժեղացումը և Հայաստանի խոցելիությունը Ադրբեջանի կողմից հետագա ռազմական էսկալացիայի առջեւ: Նրանք նաև նշել են, որ Ադրբեջանը փորձում է ձգձգել և տապալել բանակցությունները ՝ Հայաստանին պարտադրելով նոր պահանջներ, օրինակ՝ ՀՀ սահմանադրության փոփոխություն։

 

Անդրադառնալով Կապիտոլիումի բլուրում տեղի ունեցած բանավեճին ՝ Վաշինգտոնի Հայ դատի գրասենյակի գործադիր տնօրեն Արամ Համբարյանը նշել է, որ Կոնգրեսը կարող է գործել այնտեղ, որտեղ վարչակազմն ակնհայտորեն ձախողվել է: Նրա խոսքով, այսպես, ԱՄՆ օրենսդիր մարմինը կարող է դա անննել Ադրբեջանին կատարած աաագրեսիայի համար պատասխանատվության ենթարկելու, ադրբեջանական ռազմական հանցագործների դեմ պատժամիջոցներ սահմանելու, Հայաստանին տրամադրվող մարդասիրական օգնության կտրուկ ավելացման, ընդհանուր առմամբ արդար, կայուն և արժանապատիվ խաղաղությանն աջակցելու, ինչպես նաև ապօրինի պահվող հայ ռազմագերիների ազատ արձակումն ապահովելու, արցախահայության վերադարձի իրավունքի ապահովման մասին օրենք ընդունելու միջոցով:

 

<Խաղաղությունն անհնար է առանց պատասխանատվության: Քանի դեռ Ադրբեջանն անպատժելիություն է վայելում իր գործողությունների համար, նա կշարունակի հավատալ, որ ավելիին կարելի է հասնել պատերազմի միջոցով, քան բանակցությունների միջոցով", - հավելել է Համբարյանը։