Երեթշաբթի, 10 Սեպտեմբերի 2024 13:29

Արմինֆո. Արցախի նախկին նախագահ Արայիկ Հարությունյանը երբեք չի խոսել այն մասին, որ հանրապետությունում հեղաշրջում է տեղի ունեցել, ինչի մասին "շեփորում" է Հայաստանի գործող իշխանությունը։ Այդ մասին սեպտեմբերի 10-ին լրագրողների հետ ճեպազրույցում հայտարարել է "Հայաստան" խմբակցության պատգամավոր Արթուր Խաչատրյանը։

 

Նախօրեին խորհրդարանում ՀՀ ԱԺ նախագահ Ալեն Սիմոնյանը հաղորդել էր, որ ունեցել է մի քանի հեռախոսազրույց Արցախի նախագահ Արայիկի Հարությունյանի հետ, ով հայտարարել է, որ ստիպված է հրաժարական տալ՝ ճնշման ներքո:  <Նա, նույնիսկ, ասաց, որ մի օր կարող ես արթնանալ և տեսնել, որ ես չկամ: Ինձ վրա հսկայական ճնշում է գործադրվում", - հայտարարել էր խոսնակը։

 

Խաչատրյանին հիշեցրել են, որ ժամանակին Բաքվում սպառնացել են կոշտ միջոցների դիմել Արցախում նոր ընտրություններ անցկացնելու դեպքում ։ Այդ առնչությամբ ԶԼՄ-ները հետաքրքրվել են, թե արդյոք արժեր այդ ճգնաժամային իրավիճակում Հարությունյանին հրաժարական տալ և նոր նախագահ ընտրել:

 

<Եկեք հիշենք, թե ինչ իրավիճակ էր Արցախում այդ ժամանակահատվածում (2022 թվականի դեկտեմբերից Ադրբեջանն ամբողջությամբ շրջափակել էր Լաչինի միջանցքը՝ միակ ճանապարհը, որը կապում էր Լեռնային Ղարաբաղը Հայաստանին-խմբ.)։ Երկրի նախագահն իր աշխատասենյակում հարցեր լուծելու փոխարեն իջնում էր բակ ու նստում վրանում։ Այսինքն, Արցախի գլխավոր պաշտոնյան ինքնակամ հրաժարվել է իր պաշտոնեական պարտականությունները կատարելուց։ Իսկ Սամվել Շահրամանյանը գոնե շփումների շնորհիվ կկարողացավ պայմանավորվածություն ձեռք բերել մեքենան (հումանիտար օգնությամբ) անցկացնել Ակնայով (Աղդամ) և Գորիսով>, - նշել է խորհրդարանականը։

 

Հիշեցնենք, որ Արայիկ Հարությունյանը Լեռնային Ղարաբաղի նախագահ է դարձել 2020 թվականի մարտին։ 2020 թվականի աշնանը Լեռնային Ղարաբաղում ռազմական գործողությունների ավարտից հետո Արցախի և Հայաստանի բազմաթիվ քաղաքական ուժեր պահանջում էին նրա հրաժարականը, պնդելով, որ նա պատասխանատու է ռազմական գործողությունների անհաջող ելքի համար։ 2023 թվականի օգոստոսի 31-ին նա հայտարարել է իր հրաժարականի մասին ։ Հարությունյանը հավելել է, որ որոշում է ստորագրել Գուրգեն Ներսիսյանին կառավարության ղեկավարի պաշտոնից ազատելու եւ նրա փոխարեն Սամվել Շահրամանյանին նշանակելու մասին, որը "լայն լիազորություններ կունենա": Սեպտեմբերի 9-ին Շահրամանյանն ընտրվեց ԼՂ նախագահ ։ Բաքվում դատապարտել են ընտրությունների անցկացումը ՝ դրանք անվանելով "Ադրբեջանի Հանրապետության սահմանադրության, օրենքների, ինչպես նաև միջազգային իրավունքի նորմերի և սկզբունքների կոպիտ խախտում": 2023 թվականի սեպտեմբերի 19-ին Ադրբեջանը ռազմական գործողություններ է սկսել Արցախի դեմ։ Սեպտեմբերի 20-ին ԼՂՀ իշխանությունները համաձայնել են զինաթափել ԼՂՀ պաշտպանության բանակը և բանակցել: Սեպտեմբերի 28-ին ԼՂՀ նախագահ Սամվել Շահրամանյանը հրամանագիր է ստորագրել 2024 թվականի հունվարի 1-ից Լեռնային Ղարաբաղի Հանրապետության գոյությունը դադարեցնելու և բոլոր պետական հիմնարկները լուծարելու մասին: