Հինգշաբթի, 5 Սեպտեմբերի 2024 18:04

Արմինֆո.Ադրբեջանի պաշտպանության նախարարության տարածած ապատեղեկատվությունն այն մասին, թե Հայաստանի Հանրապետության զինված ուժերը կրակ են բացել ադրբեջանական դիրքերի ուղղությամբ, նպատակ ունի բարենպաստ տեղեկատվական դաշտ ստեղծել նրանց կողմից ցանկացած հնարավոր ագրեսիվ գործողությունների համար, եթե նրանք ունենան նման քաղաքական որոշում: Սեպտեմբերի 5-ին լրագրողների հետ զրույցում նման գնահատականով է հանդես եկել ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը։

 

Ընդ որում, նա չի բացառել Ադրբեջանի սադրանքների տեսական հնարավորությունը, այդ թվում ՝ խաղաղության պայմանագրի ստորագրման շուրջ բանակցությունների ֆոնին։

 

Վերջին շրջանում ադրբեջանական պաշտպանական գերատեսչությունը պարբերաբար հայկական կողմին մեղադրում է Ադրբեջանի ԶՈՒ դիրքերը գնդակոծելու մեջ: Երեւանն՝ ի պատասխան, այդ մեղադրանքները հերքում է ՝ դրանք անվանելով ապատեղեկատվություն։ Օրինակ, այսօր դեռ կեսօրից առաջ ՀՀ ՊՆ-ն «հասցրել է» երկու անգամ հերքել թշնամու նման ապատեղեկատվությունը։