Լավրովը՝ Երևանի և Բաքվի միջև ուղիղ բանակցությունների մասին. "Ի սեր Աստծո"

Արմինֆո. Եթե Հայաստանի իշխանությունները ցանկություն ունեն Լեռնային Ղարաբաղի ճգնաժամի լուծման շուրջ ուղիղ բանակցություններ վարել Ադրբեջանի հետ ՝ առանց Ռուսաստանի մասնակցության, ապա՝ "ի սեր Աստծո"։ Այդ մասին հայտարարել է ՌԴ ԱԳ նախարար Սերգեյ Լավրովը՝ Մոսկվայի Միջազգային հարաբերությունների պետական ինստիտուտի (ՄԳԻՄՕ) դասախոսների և ուսանողների առջև ելույթի ժամանակ:

Ճիշտ նույն կերպ մենք հիմա անհանգստանում ենք այն առնչությամբ, որ 2020-2022 թվականներին Ռուսաստանի, Հայաստանի, Ադրբեջանի մի քանի հանդիպումներում եռակողմ պայմանավորվածությունները նույնպես կասեցվել են ։ Ահա ես հիշատակեցի տրանսպորտային հաղորդակցության վերսկսումը և հիշատակեցի եռակողմ հանձնաժողովի մասին, որը դրանով զբաղվում էր, այն այժմ, գործնականում, այլևս չի հավաքվում։ Երևանը կարծում է, որ դա պետք է անել ուղղակիորեն Ադրբեջանի հետ, բայց եթե նրանց մոտ ստացվի, ապա՝ ի սեր Աստծո", - ըստ ՏԱՍՍ-ի՝ ասել է ռուսական դիվանագիտության ղեկավարը։

Լավրովը նաև նշել է, որ պետական սահմանի սահմանազատման հարցում ՌԴ-ը պետք է խորհրդակցի մասնակիցների միջև այդ գործընթացի շուրջ, սակայն դա տեղի չի ունենում: "Ոչ, չեն ուզում, և միևնույն ժամանակ ձգտում են անընդհատ ներգրավել Արևմուտքին, Միացյալ Նահանգներին, Եվրամիությանը, Փարիզին, ներգրավել ցանկացած գործընթացի իրենց հովանու տրամադրմանը ։ Դա նրանց ընտրությունն է, բայց, նախ, պետք է պայմանավորվել ադրբեջանցի հարևանների հետ։ Այլ ճանապարհ չկա", - հավելել է ՌԴ ԱԳ նախարարը։

Ընդ որում, նախարարի խոսքով, "բոլոր տարբերություններով եւ անհամապատասխանություններով հանդերձ "Ռուսաստանն ու նրա գործընկերները "ըմբռնում ունեն, թե ով ինչի համար է կանգնած, եւ ցանկություն կա, եւ արդեն արդյունք կա այն բանում, ինչ վերաբերում է համաձայնեցված զուգահեռ գործընթացների մշակման մեր մոտեցումների մերձեցմանը", որոնք, ի վերջո, դրական բնույթ կունենան:

Նշենք, որ Հայաստանի վարչապետ Նիկոլ Փաշինյանն օգոստոսի 31-ին Երեւանում կայացած մամուլի ասուլիսում, անդրադառնալով հայ-ադրբեջանական հարաբերությունների կարգավորման հարցում միջնորդ լինելու Ռուսաստանի նախագահի առաջարկին, հայտարարել էր, որ պաշտոնական Երեւանը դեմ չէ միջնորդությանը, սակայն այսօրվա փուլում Բաքվի հետ ուղիղ բանակցություններն ավելի արդյունավետ են: Ասուլիսի հաջորդ դրվագում Փաշինյանը բացահայտ հայտարարել էր, որ Ռուսաստանը չի կարող միջնորդ լինել բանակցություններում, քանի որ Երևանին մեղադրել է բանակցությունները սաբոտաժի ենթարկելու մեջ: