Ուրբաթ, 9 Օգոստոսի 2024 13:12

Արմինֆո. Կառավարության, Վճռաբեկ եւ Սահմանադրական դատարանների <թիմային աշխատանքի> արդյունքում <լուծվել է> հանրային ծառայողների ապօրինի ազատումների հարցը։ Նման հայտարարությամբ հանդես է եկել ՀՀ քաղաքաշինության կոմիտեի նախկին նախագահ Վահագն Վերմիշյանի փաստաբան Ալեքսանդր Կոչուբաևը՝ հուլիսի 9-ին կայացած մամուլի ասուլիսի ժամանակ։

Փաստաբանը նշել է, որ բոլորովին վերջերս Վերաքննիչ դատարանը բավարարել է Վերմիշյանին աշխատանքից ազատելու անօրինականության վերաբերյալ պաշտպանական կողմի բողոքը: "Բայց ես չէի շտապում ուրախանալ այդ փաստի համար, քանզի հասկանում էի, որ գործող իշխանության կողմից դատական համակարգի յուրացման պայմաններում ինչ-որ բան այստեղ, հաստատ, այն չէ։ Ինչպես պարզվեց՝ զուր չէր>, - նշել է նա։

Վերաքննիչ դատարանի որոշումից հետո Վճռաբեկ դատարանը վարույթ է ընդունել կառավարության բողոքը, ապա դիմել է Սահմանադրական դատարան՝ հասկանալու համար, թե արդյոք Աշխատանքային օրենսգրքի նորմերը կիրառելի են հանրային ծառայողների նկատմամբ: "Եվ սա այն պայմաններում, երբ Վճռաբեկ դատարանն՝ ինքը, ուղիղ մեկ տարի առաջ հստակ արձանագրել է քաղաքացիական ծառայողների նկատմամբ ԱՕ նորմերի կիրառելիությունը", - հայտարարել է փաստաբանը:

ՍԴ-ն, իր հերթին, փաստաբանի գնահատմամբ, ընդունել է "հակագիտական", "հակաիրավական" եւ "ոչ իրավաչափ" որոշում այն մասին, որ ԱՕ նորմերը կիրառելի չեն վարչական պաշտոններ զբաղեցնող հանրային ծառայողների նկատմամբ ։ "Իսկ դա նշանակում է, որ տվյալ անձը ցանկացած պահի կարող է կամայականորեն զրկվել պաշտոնից", - պարզաբանել է Կոչուբաեւը:

Այսպիսով, այսուհետեւ Վարչական դատարանը զրկված է տվյալ կատեգորիայի անձանց անհիմն պաշտոնանկությունները ոչ իրավաչափ ճանաչելու հնարավորությունից։ Միաժամանակ, կառավարությունը ստիպված չի լինի վճարումներ կատարել ապօրինի պաշտոնանկությունների համար։ "Անկախ Հայաստանի պատմության մեջ երբեք դատական իշխանությունն այդքան սերտորեն միահյուսված չի եղել իշխանության հետ", - հայտարարել Է Ալեքսանդր Կոչուբաևը:

Հիշեցնենք, որ 2020 թվականին Վերմիշյանը ձերբակալվել էր և դատապարտվել 8 տարվա ազատազրկման ՝ շինարարական թույլտվությունների դիմաց վերցված մի քանի 1-2,5 մլն դրամի (5, 2 հազար դոլար) կաշառքների համար։ Գործի մեկ այլ դրվագով նախկին պաշտոնյան մի քանի շինարարական ընկերությունների սեփականատիրոջից պահանջել և ստացել է 5 հազար դոլար ՝ փոխարենը խոստանալով նրան ներկայացնել Հայաստանի վաստակավոր շինարարի կոչման: Ս.թ. մարտի 4-ին  Վերմիշյանն ազատ է արձակվել կալանքից: Այն ժամանակ Կոչուբաևը հայտարարել էր, որ պաշտպանական կողմի միջնորդությունը բավարարվել է, քանի որ ավելի վաղ ինքը բողոքարկել էր Վերաքննիչ դատարանի որոշումը (Վերմիշյանին 8 տարվա ազատազրկման էին դատապարտել կաշառք ստանալու համար), որը դեռ ուժի մեջ չէր մտել: <Մենք պահանջում ենք արդարացում բոլոր հոդվածներով: Ես ոչ միայն հույս ունեմ, այլեւ վստահ եմ, որ, ի վերջո, ամեն ինչ լավ կլինի", - հայտարարել է նա: Դատական դեպարտամենտը, իր հերթին, պարզաբանել է, որ որոշումը կապված է նրա պատշաճ վարքագծի և այլընտրանքային խափանման միջոցների (ստորագրություն չհեռանալու մասին, տնային կալանք և 25 մլն դրամ գրավ) ընտրության պայմաններում գործը քննելու հնարավորության հետ: