Չորեքշաբթի, 31 Հուլիսի 2024 13:01

Արմինֆո. Եվրոպական խորհրդի նախագահ Շառլ Միշելը վերսկսում է Հարավային Կովկասում կայուն խաղաղության հաստատմանն ուղղված ջանքերը, քանի որ պատերազմի մեջ ներքաշված տարածաշրջանում լարվածությունն աճում է: Այդ մասին ասվում է Politico-ի հրապարակման մեջ։

Պարբերականի հետ զրույցում երկու բարձրաստիճան դիվանագետներ հաստատել են, որ Բելգիայի նախկին վարչապետը հանդիպումներ է ունեցել Հայաստանի և Ադրբեջանի ղեկավարների հետ՝ այս ամսվա սկզբին Մեծ Բրիտանիայում Եվրոպական քաղաքական համայնքի գագաթնաժողովի հարթակներում:

«Միշելը նաև նամակ է գրել երկու կողմերին՝ կոչ անելով նրանց վերադառնալ բանակցությունների սեղանի շուրջ և ավարտել խաղաղության համաձայնագիրը, առաջընթաց գրանցելով այնպիսի հարցերում, ինչպիսիք են սահմանների սահմանազատումը:

Սակայն Բրյուսելում աճում է հիասթափությունը ամիսներ շարունակ դիվանագիտական փակուղուց հետո, որում երկար սպասված համաձայնությունն այդպես էլ չկայացավ", - գրում է աղբյուրը։

Հրապարակման հեղինակը նշում է, որ չնայած Միշելի հետ հանդիպումներին, Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը չեն կարողացել միմյանց հետ բանակցությունների սեղանի շուրջ նստելու հնարավորություն գտնել: "Ի վերջո, երկու կողմերն էլ պետք է դադարեցնեն խաղեր խաղալ և համաձայ0նագիր կնքեն, քանի որ նախագահ Միշելն ամեն ինչ արել է՝ ԵՄ ուժերի սահմաններում, խաղաղության համաձայնագրին հասնելու համար", - ասել է Միշելին մոտ ԵՄ բարձրաստիճան դիվանագետը:

Politico-ն նշում է, որ Միշելի ուղերձը, որի մասին հրապարակայնորեն չի հաղորդվել, տեղի է ունեցել ընդամենը ինն ամիս անց այն բանից հետո, երբ Ադրբեջանը ռազմական հարձակում սկսեց Լեռնային Ղարաբաղի վրա, ինչը հանգեցրեց ավելի քան 100 հազար էթնիկ հայ բնակիչների արտագաղթի: "Բռնությունը տեղի է ունեցել Միշելի կողմից կազմակերպված ամիսներ տևած բանակցություններից հետո, և չնայած Արևմուտքի նախազգուշացումներին, որ միայն դիվանագիտական լուծումը կարող է խաղաղություն բերել տարածաշրջան:

Այժմ լարվածությունը կրկին աճում է, և անցած շաբաթ Ադրբեջանի պաշտպանության նախարարությունը Հայաստանին մեղադրեց երկու երկրների ընդհանուր սահմանի երկայնքով "սադրանքներ իրականացնելու" մեջ և սպառնաց "անհրաժեշտ պատասխան միջոցներ ձեռնարկել ՝ օգտագործելով իրենց տրամադրության տակ եղած բոլոր միջոցներն՝ ինքնապաշտպանության նպատակով": Հայաստանը հայտարարում է, որ այդ մեղադրանքները ճիշտ չեն ։ Ադրբեջանը նաև քննադատել է այն ռազմական աջակցությունը, որը ԵՄ երկրները, ինչպիսին Ֆրանսիան է, ցուցաբերում են Երևանին ՝ փորձելով ուժերի հավասարակշռություն ստեղծել երկու պատմական մրցակիցների միջև", - ասվում է պարբերականի նյութում:

Հիշեցնենք, որ հուլիսի 22-ին ԵՄ խորհուրդը որոշում էր կայացրել Հայաստանի ԶՈՒ-ին 10 միլիոն եվրոյի օգնություն տրամադրելու մասին՝ եվրոպական խաղաղության գործիքակազմի գծովի: