Բրիտանական դատարանը որոշել է չբացահայտել Ադրբեջանի գծով Օքսֆորդի հետազոտական կենտրոնը հովանավորող դոնորի ինքնության գաղտնիքը

Արմինֆո. Բրիտանական դատարանը որոշել է չբացահայտել դոնորի ինքնության գաղտնիքը, որը կանգնած է Օքսֆորդի համալսարանին 10 մլն ֆունտ ստեռլինգի վիճահարույց նվիրատվության հետևում ՝ Ադրբեջանի, Կովկասի և Կենտրոնական Ասիայի գծով մասնագիտացված նոր հետազոտական կենտրոն ստեղծելու համար: Այդ մասին հաղորդում է Միցյալ Թագավորության Հայ դատի հանձնախումբը (ANC UK)՝ Twitter-ի (X) իր միկրոբլոգում:

Հայկական սփյուռքյան կազմակերպությունում հիշեցրել են, որ նվիրատվությունը կազմակերպել է "Ադրբեջանի եւ Կովկասի ուսումնասիրության Բրիտանական հիմնադրամը (BFSAC)", որի խորհրդի կազմում ընդգրկված է Նարգիզ Փաշաեւան՝ Ադրբեջանի ավտորիտար ղեկավար Իլհամ Ալիեւի հարսը:

"Դատավորը մերժել է opendemocracy-ի ( բաց ժողովրդավարություն) թափանցիկության բողոքարկումը այն բանից հետո, երբ համալսարանը մերժեց openDemocracy-ի տեղեկատվության ազատության (FOI) մասին հայցը' դոնորի ինքնությունը և նվիրատվության մշակման հետ կապված հաղորդագրությունների պատճենները տրամադրելու խնդրանքով:

OpenDemocracy-ն վիճարկել է գործը, բայց FOI-ի դիտորդը , տեղեկատվության հանձնակատարի գրասենյակը (ICO)  անցել է համալսարանի կողմը: Հետագա տրիբունալը աջակցել է ICO - ին ՝ պաշտպանելով Օքսֆորդի դիրքորոշումը այս գործի վերաբերյալ", - հադորցում է ANC UK-ը:

Արձագանքելով ANC UK-ի այս հաղորդագրությանը՝ Հունաստանում ՀՀ դեսպան Տիգրան Մկրտչյանը դա համարել է շատ մտահոգիչ։ "Շատ մտահոգիչ իրադարձությունների զարգացում է։ Եթե դա հաստատվի, դա մեծապես վարկաբեկում է Օքսֆորդի համալսարանը: "Ադրբեջանում հետազոտությունները" սովորաբար ինքնահաստատվում են ի վնաս հայոց պատմության՝ ժխտելով 2500 տարվա անվիճելի ակադեմիական հետազոտություններն ու հորինելով հեքիաթներ", - նշել է Հայաստանի դեսպանը:

Նշենք, որ Օքսֆորդի Նիզամի Գյանջեւիի կենտրոնը ստեղծվել է 2019 թվականին՝ "Ադրբեջանի, Կովկասի և Կենտրոնական Ասիայի պատմությունը, լեզուներն ու մշակույթը" ուսումնասիրելու նպատակով: Կենտրոնն առաջարկում է արտագնա կրթաթոշակներ և ֆինանսավորում ասպիրանտների համար, ինչպես նաև աջակցում է Օքսֆորդում ադրբեջաներենի դասավանդմանը: Այն ֆինանսավորվում է 10 միլիոն ֆունտ ստերլինգ անանուն նվիրատվության հաշվին, որը "տրվել է 2018 թվականին Ադրբեջանի և Կովկասի ուսումնասիրության Բրիտանական հիմնադրամի (BFSAC) կողմից ՝ ի նշան երախտագիտության": Կենտրոնի վարչության կազմը և դոնորին անվանելուց համալսարանի հրաժարվելը քննադատության են արժանացել գիտնականների կողմից, ովքեր մտահոգված են ակադեմիական ազատության պահպանմամբ: Կենտրոնի հոգաբարձուների խորհրդի կազմում է Նարգիզ Փաշաևան ՝ նախագահ Իլհամ Ալիևի հարսը: