ՀԱՊԿ. Արևմուտքի երկրները փորձում են միջամտել ոչ միայն Հայաստանի, այլև նրա հարևան պետությունների գործերին

Արմինֆո.Արևմուտքը փորձում է Հայաստանին հետ քաշել դաշնակիցներից, թեև այլ երկրների օրինակով երևում է, թե դա ինչի է հանգեցնում։ Այս մասին «ՌԻԱ Նովոստի-ի հետ հարցազրույցում հայտարարել է ՀԱՊԿ-ին առընթեր ՌԴ մշտական ներկայացուցիչ Վիկտոր Վասիլևը։

Նրա խոսքով՝ ՀԱՊԿ-ը տեսնում է Կովկասի տարածաշրջանում և Իրանում իրավիճակը ցնցելու Արևմուտքի անսքող փորձեր: "Բարդ իրավիճակ է ստեղծվում կովկասյան տարածաշրջանում, որտեղ մենք նաեւ տեսնում ենք իրավիճակը ցնցելու Արեւմուտքի երկրների անթաքույց փորձեր", - հայտարարել է Վասիլեւը:

Բացի այդ, շարունակել է մշտական ներկայացուցիչը, Արեւմուտքի երկրները փորձում են միջամտել Հայաստանի հարեւան երկրներում տիրող իրավիճակին, ինչը եւս անհանգստացնում է ՀԱՊԿ-ին, քանի որ այդ երկրներում իրավիճակի ապակայունացման դեպքում դա կդառնա ՀԱՊԿ անդամ բոլոր պետությունների անվտանգության սպառնալիքներից մեկը: "Այդ փորձերը տեսանելի են, ակնհայտ։ Այդ թվում ՝ հարևան Իրանի նկատմամբ։ Բնականաբար, Կովկասում իրավիճակի ապակայունացման դեպքում դա կլինի անվտանգության իրական սպառնալիքներից մեկը ՀԱՊԿ անդամ բոլոր պետությունների համար", - նշել է Վասիլևը։

Հիշեցնենք, որ Հայաստանը դադարեցրել է իր մասնակցությունը ՀԱՊԿ-ին, համարելով, որ կազմակերպությունը չի կատարել հայոց պետության անվտանգության ապահովման իր պարտավորությունները: