Մոսկվային ձեռնտու է, որպեսզի Մինսկի և Երևանի հարաբերությունների բարդ շրջանը հնարավորինս շուտ ավարտվի. Ռուսաստանի ԱԳՆ

Արմինֆո.Մոսկվային ձեռնտու է, որ Մինսկի և Երևանի հարաբերությունների բարդ շրջանը հնարավորինս  շուտ ավարտվի: Այդ մասին «ՌԻԱ Նովոստի»-ին հայտարարել է ՌԴ փոխարտգործնախարար Միխայիլ Գալուզինը:

Հիշեցնենք, որ ավելի վաղ ՀՀ վարչապետ Նիկոլ Փաշինյանը հայտարարել էր, որ ոչ մի հայ պաշտոնյա չի այցելի Բելառուս, քանի դեռ այնտեղ նախագահում է Ալեքսանդր Լուկաշենկոն: Նրա խոսքով՝ Բելառուսի առաջնորդը մասնակցել է Լեռնային Ղարաբաղում հակամարտության սրման նախապատրաստմանը և ցանկացել է Ադրբեջանի հաղթանակ:

Այս առնչությամբ Գալուզինը նշել է, որ Մոսկվան հույս ունի, որ երկու պետությունների ղեկավարների միջև դիմակայությունը շուտով կավարտվի։ Ռուսաստանը նաև հույս ունի, որ այս իրավիճակը բացասական ազդեցություն չի ունենա միավորումների շրջանակներում փոխգործակցության վրա: "Կրեմլին դժվար է բացատրել "բելառուս գործընկերների նկատմամբ Հայաստանի իշխանությունների որդեգրած կոշտ դիրքորոշումը։ Ալեքսանդր Լուկաշենկոն մշտապես ընդգծել է Մինսկի շահագրգռվածությունը կայուն և անվտանգ Հարավային Կովկասով: Նույնիսկ ամենաբարդ ժամանակներում Բելառուսի ղեկավարի նախաձեռնություններն ուղղված էին հենց հակամարտող կողմերի հաշտեցմանը", - ասել է ՌԴ փոխարտգործնախարարը։

Նա նշել է, որ և Հայաստանը, և Բելառուսը ԱՊՀ, ՀԱՊԿ և ԵԱՏՄ կազմում են, ինչպես նաև Ռուսաստանի դաշնակիցներն են: "Մոսկվային ձեռնտու է, որ Մինսկի և Երևանի հարաբերությունների բարդ շրջանը շուտ ավարտվի։ Ամեն դեպքում, ակնկալում ենք, որ ժամանակավոր տարաձայնությունները բացասական ազդեցություն չեն ունենա ընդհանուր ինտեգրացիոն միավորումների շրջանակներում փոխգործակցության առաջխաղացման վրա", - եզրափակել է ՌԴ ԱԳ փոխնախարարը ։