Հարցում. Հայաստանի քաղաքացիները բոլոր կոմունալ ծառայություններից ամենաքիչը գոհ են ջրամատակարարման որակից եւ ծառայություններից

Արմինֆո. Հայաստանի քաղաքացիները բոլոր կոմունալ ծառայություններից ամենաքիչը գոհ են ջրամատակարարման օպերատորի որակից և ծառայություններից ։ Այդ մասին են վկայում Հայաստանում GALLUP միջազգային ասոցիացիայի բացառիկ ներկայացուցիչ MPG խորհրդատվական ընկերության "Սահմանադրություն - Սալֆետկա" խորագրով հարցման տվյալները։

Մասնավորապես, հարցմանը մասնակցած քաղաքացիները ջրամատակարարման օպերատորի անխափան աշխատանքը գնահատել են ընդամենը 3.5 միավոր՝  հնարավոր 5-ից, իսկ որակը՝ 3.6 միավոր:

Հայաստանի բնակիչներն առանձնապես գոհ չեն էլեկտրաէներգիայի մատակարարման ծառայություններից ։ Հարցվածները աշխատանքի անխափանությունը գնահատել են 3.7 միավոր, իսկ որակը՝ 4 միավոր:

Ընդ որում, հարցվածներն առավելապես գոհ են գազամատակարարի աշխատանքից։ Մասնավորապես, վերջիններս ստացել են 4.3 միավոր՝ անխափան աշխատանքի համար, և 4.2 միավոր՝ որակի համար։

Նշենք, որ հարցումն իրականացվել է Հայաստանի բնակիչներին հեռախոսազանգերի միջոցով՝ ընթացիկ տարվա  հուլիսի 3-6-ն ընկած ժամանակահատվածում: Ընտրանքի ծավալը կազմել է 1100, շեղումը՝ + / - 3%:

2011 թվականին MPG - ն դարձել է աշխարհում հասարակական կարծիքի ուսումնասիրման ամենահեղինակավոր և անկախ կազմակերպություններից մեկի՝ Gallup միջազգային ասոցիացիայի պաշտոնական ներկայացուցիչը Հայաստանում: 2003 թվականից ի վեր MPG-ն, աշխատելով սոցիոլոգիական և մարքեթինգային հետազոտությունների շուկայում, իրականացրել է տարբեր մասշտաբի ավելի քան 800 նախագիծ: