Վասիլի Պետրենկո. Դիրիժորը՝ դա ազգություն չէ, դա մեծություն է և որակ

Արմինֆո. Հուլիսի 2-ից Երևանում մեկնարկել է ռուս-բրիտանական հայտնի դիրիժոր, մեր ժամանակների ամենապահանջված դիրիժորներից մեկի՝ Վասիլի Պետրենկոյի Երիտասարդ դիրիժորների ակադեմիան:

Մի քանի օր Երևանում Պետրենկոն հանդես է եկել որպես ուսուցիչ տարբեր երկրների երիտասարդ դիրիժորների համար, որոնք անցել են մրցութային փուլը և ընտրվել շուրջ 80 երիտասարդ մասնագետների շրջանում: Ակադեմիայի մասնակիցները հնարավորություն են ստացել անհատական պարապմունքներ անցնել Պետրենկոյի հետ, մասնակցել դիրիժորական վարպետության սեմինարների և փորձեր անցկացնել նվագախմբի հետ: Վարպետության դասի արդյունքների հիման վրա հուլիսի 5-ին Ա. Խաչատրյանի անվան համերգասրահում տեղի կունենա գալա համերգ, որի ընթացքում ելույթ կունենան նաև նախագծի մասնակիցները ՝ նվագախմբի հետ ներկայացնելով Վասիլի Պետրենկոյի հետ ուսումնասիրված ստեղծագործություններից երաժշտական որոշ հատվածներ:

 Պետրենկոն այսօր ղեկավարում է Լոնդոնի Թագավորական ֆիլհարմոնիկ նվագախումբը և վարպետության դասեր է անցկացնում տարբեր երկրներում: "Ուրախ եմ երկու տարի անց վերադառնալ Երեւան եւ ոչ միայն համերգ վարել ազգային ֆիլհարմոնիկ նվագախմբի հետ, այլեւ վարպետության դաս անցկացնել երիտասարդ դիրիժորների համար", - ասել է նա հուլիսի 4-ին երեւանյան լրագրողների հետ զրույցի ժամանակ: Նա հաղորդել է, որ Ակադեմիայի անցկացման համար հատուկ հավաքվել է նվագախումբ՝ Ազգային ֆիլհարմոնիկ նվագախմբի հովանու ներքո: "Եվ դա շատ կարեւոր է, որ երիտասարդ դիրիժորները հնարավորություն ունեն աշխատել հենց իրական նվագախմբի հետ, քանի որ ոչինչ չի կարող փոխարինել այդ փորձին", - ընդգծել է Պետրենկոն:

Ելույթ ունենալով և վարպետության դասեր անցկացնելով տարբեր երկրներում, քաղաքներում ՝ նա նշել է, որ դիրիժորության մեջ չկա "ազգային առանձնահատկություն" հասկացություն: <Եվ, ընդհանրապես, դիրիժորը ազգություն չէ, դա մեծություն է և որակ: Եվ հրաշալի է, որ կան մարդիկ տարբեր երկրներից, ովքեր պատրաստ են զբաղվել այս բարդ մասնագիտությամբ և ինքնակատարելագործվել։ Չէ որ մասնագիտությունն ինքնին ենթադրում է ինքնակատարելագործում ողջ կյանքի ընթացքում", - իր մտքերը կիսել է Թագավորական ֆիլհարմոնիկ նվագախմբի ղեկավարը։

Նա գոհունակություն է հայտնել այն առնչությամբ, որ այս տարի վարպետության դասն անցկացվում է Հայաստանում։ Այս համատեքստում դիրիժորը նծել է, որ նախագծի շնորհիվ հնարավորություն կա հայ երիտասարդ երաժիշտների համար որպես նվագախումբ մասնակցել վարպետության դասին: < Կարծում եմ, որ սա նրանց համար նաեւ հետաքրքիր դպրոց է>, - նկատել է նա։

Պետրենկոն առաջիկա համերգի մասին մանրամասներ չի հայտնել, սակայն հաղորդել է, որ հանդիսատեսը կլսի վիեննական դասականների երաժշտություն, 20-րդ դարի երաժշտություն։ <Կարծում եմ ՝ շատերը կզարմանան: Դա կլինի այն հազվագյուտ դեպքը, երբ հանդիսատեսը կարող է համեմատել երկու դիրիժորների կողմից նույն պիեսի մեկնաբանությունը", - ասել է նա:

Անդրադառնալով ԱրմԻնֆո-ի թղթաակցի հարցին, թե՝ արդյոք համերգի ծրագրում կհնչեն հայ դասականների ստեղծագործություններ, Պետրենկոն հույս է հայտնել, որ հաջորդ անգամ Ազգային ֆիլհարմոնիկ նվագախմբի հետ կներկայացնի հայ դասական երաժշտությանն առնչվող նախագիծ: Ընդ որում, նա հավելել է, որ ինքը մշակման փուլում ունի նախագիծ, որն առնչվում է ներկայում ողջ հայ կոմպոզիտորների ձայնագրություններին։

Ազգային ֆիլհարմոնիկ նվագախմբի գեղարվեստական ղեկավար, գլխավոր դիրիժոր Էդուարդ Թոփչյանն, իր հերթին, կարևորել է Վասիլի Պետրենկոյի նման մեծության դիրիժորների այցն ու աշխատանքը հայ երաժիշտների հետ: Նա հիշեցրել է, որ Պետրենկոն 2 տարի առաջ Երևանում իր համերգից հետո ցանկություն էր հայտնել Ակադեմիա անցկացնել մեր երկրում։ "Եվ մենք պետք է փորձենք մոտ ապագայում այնպիսի հնարավորություններ ստեղծել, որպեսզի երիտասարդ դիրիժորներ ունենանք։ Եվ նման վարպետների հետ շփումը չափազանց կարևոր կլինի նրանց այսօրվա և վաղվա օրվա համար>, - ասել է Թոփչյանը։ Նա հույս է հայտնել, որ հաջորդ անգամ վարպետության դասին մասնակցելու հայտատուների թվում կլինեն նաև հայ երիտասարդ դիրիժորներ:

Նշենք, որ Վասիլի Պետրենկոյի դիրիժորների ակադեմիան իրականացվում է "Պրիմավերա Արմենիա" հիմնադրամի և Ազգային ֆիլհարմոնիկ նվագախմբի նախաձեռնությամբ