Արմինֆո.Բաքվում դժգոհություն են հայտնել Եվրոպայի խորհրդին առընթեր Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեի (ԽԿԵԿ) ՝ Ադրբեջանի վերաբերյալ հրապարակային հայտարարության կապակցությամբ:
"Ափսոսանք է առաջացնում այն փաստը, որ հուլիսի 3-ին Եվրոպայի խորհրդի Խոշտանգումների եւ անմարդկային կամ արժանապատվությունը նվաստացնող վերաբերմունքի կամ պատժի կանխարգելման կոմիտեն (ԽԿԵԿ ) որոշում է կայացրել հրապարակել Ադրբեջանի վերաբերյալ հրապարակային հայտարարություն", - ասվում է ԱԳՆ մամուլի քարտուղար Այհան Հաջիզադեի մեկնաբանության մեջ: Նշվում է, որ ԽԿԵԿ-ը, Հակառակ խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոնվենցիայի պահանջին, աննախադեպ որոշում է կայացրել՝ 2022 թվականին հատուկ այցի արդյունքների վերաբերյալ զեկույցն ամբողջությամբ հրապարակել առանց Ադրբեջանի համապատասխան համաձայնության ։ "Նման մոտեցումն անարդար է և անհիմն, ինչպես նաև հարցեր է առաջացնում իրավաբանական տեսանկյունից", - հայտարարել են Բաքվում:
Հիշեցնենք, որ հուլիսի 3-ին Եվրոպայի խորհրդին առընթեր Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեն (ԽԿԵԿ) հրապարակել է Ադրբեջանի վերաբերյալ հրապարակային հայտարարություն: <Կոմիտեի ստեղծման մասին կոնվենցիայի 10-րդ հոդվածին համապատասխան արված այս հայտարարությունը վերաբերում է ԽԿԵԿ-ի հետ Ադրբեջանի իշխանությունների համագործակցության մշտական բացակայությանը: Հրապարակային հայտարարություն անելու նման բացառիկ որոշման պատճառը Ադրբեջանի իշխանությունների կողմից ԽԿԵԿ-ի հետ համագործակցելուց ուղղակի հրաժարվելն է: Կոմիտեն անկեղծ փորձեր է ձեռնարկել կառուցողական երկխոսության մեջ մտնելու Ադրբեջանի իշխանությունների հետ՝ ԽԿԵԿ-ի գոյության հիմքում ընկած խնդիրները լուծելու համար։ Իր զեկույցներում այն մանրամասնել է, որ շարունակում է հայտարարություններ ստանալ ոստիկանության աշխատակիցների կողմից վատ վերաբերմունքի և, նույնիսկ, խոշտանգումների մասին:
Սակայն Ադրբեջանի ՆԳՆ-ը ոչ մի քայլ չի ձեռնարկել նման պրակտիկան դադարեցնելու վերաբերյալ Կոմիտեի վաղեմի հանձնարարականների իրականացման ուղղությամբ: Բացի այդ, կոմիտեն չի ստացել Բաքվում բարձր մակարդակի բանակցությունների միջոցով երկխոսությանն աջակցելու խնդդրանքի կամ, նույնիսկ, այցի մասին Ադրբեջանի իշխանություններին ծանուցելուց հետո նամակների պատասխանները: Սա Կոնվենցիայի հիմնարար և աննախադեպ խախտում է։ Հաշվի առնելով իրավապահ մարմինների աշխատակիցների կողմից ձերբակալվածների նկատմամբ դաժան վերաբերմունքին և, նույնիսկ, խոշտանգումներին առնչվող խնդիրների լրջությունը՝ ԽԿԵԿ-ն նաև որոշել է հրապարակել 2022 թվականին Ադրբեջան կատարած հատուկ այցի հաշվետվությունը ՝ որպես հրապարակային հայտարարության հավելված>, - նշել են կոմիտեում։
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Քաղաքագետ. ընտրողների բավականին բարձր մասնակցությունը վկայում է այն մասին, որ Հայաստանի քաղաքացիներն ակտիվորեն և գիտակցաբար մասնակցում են երկրի ապագայի ձևավորմանը
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
Ռուսաստանը փորձում է Հայաստանին հասցնել, որ ԵՄ-ը, գործնականում, արդեն փոխակերպվել է ռազմաքաղաքական դաշինքի․ Օվերչուկ
Հայաստանի ԱԳ նախարար․ Հայաստանի եւ Ռուսաստանի հարաբերություններն առողջացման կարիք ունեն
