Արմինֆո.Հայաստանի ազգային անվտանգության ծառայությունը (ԱԱԾ) նախաձեռնել է օրենսդրական փոփոխություններ "Ազգային անվտանգության մարմիններում ծառայության մասին" օրենքում, որոնք Լեռնային Ղարաբաղի ԱԱԾ աշխատակիցներին հնարավորություն կտան թափուր պաշտոն զբաղեցնել ՀՀ ազգային անվտանգության լիազոր մարմնում: Օրենքի նախագիծը հավանության է արժանացել ՀՀ կառավարության հունիսի 27-ի նիստում, որից հետո այն սահմանված կարգով կուղարկվի Ազգային ժողով:
Ինչպես նշվում է փաստաթղթին կից պարզաբանման մեջ, Լեռնային Ղարաբաղում տեղի ունեցած իրադարձություններից հետո Արցախի ԱԱԾ բազմաթիվ աշխատակիցներ ցանկություն են հայտնել շարունակել ծառայությունը Հայաստանի Հանրապետության ազգային անվտանգության մարմիններում: Սակայն, համաձայն "Ազգային անվտանգության մարմիններում ծառայության մասին" օրենքի 14-րդ հոդվածի, ծառայության կարող են ընդունվել միայն Հայաստանի Հանրապետության քաղաքացիները: Բացի այդ, կառավարության 2023 թվականի հոկտեմբերի 26-ի որոշմամբ ԼՂ բնակչության պետական ռեգիստրում գրանցված անձինք ժամանակավոր պաշտպանության տակ են վերցվել ՀՀ կառավարության կողմից և ճանաչվել են փախստական, ինչը ՀՀ Ազգային անվտանգության մարմիններում ծառայությանն ուղղակիորեն խոչընդոտող հանգամանք է: Եվ, նույնիսկ, եթե ԼՂ ԱԱԾ աշխատակիցները դիմում ներկայացնեն և ստանան ՀՀ քաղաքացիություն, վերջիններս, հաշվի առնելով տարիքային սահմանափակումները, հնարավորություն կունենան ՀՀ Ազգային անվտանգության մարմիններում ընդունվել միայն կրտսեր և միջին խմբի պաշտոններում: Մինչդեռ, ՀՀ ԱԱԾ-ում ծառայել ցանկացողներից շատերը գլխավոր կամ բարձրագույն պաշտոններ են զբաղեցրել ԼՂ ԱԱԾ-ում և ունեցել են սպայական բարձր կոչումներ, և վերջիններիս կողմից ՀՀ քաղաքացիություն ստանալը բավարար հիմք չի լինի ՀՀ ԱԱԾ-ում հավասար զինվորական պաշտոնի նշանակվելու համար:
Ելնելով վերոգրյալից ՝ Հայաստանի ԱԱԾ գործընկերներն անհրաժեշտ են համարել համապատասխան փոփոխություն կատարել "Ազգային անվտանգության մարմիններում ծառայության մասին" օրենքում, համաձայն որի, 2023 թվականի սեպտեմբերի 19-ի դրությամբ Լեռնային Ղարաբաղի Ազգային անվտանգության ծառայությունում պաշտոններ զբաղեցրած անձինք հնարավորություն կունենան շարունակել ծառայությունը ՀՀ ազգային անվտանգության մարմիններում, եթե նրանք համապատասխանում են տվյալ պաշտոնում նշանակվելու համար անվտանգության մարմինների աշխատակիցներին ներկայացվող ազգային անվտանգության պահանջներին:
Նախագծով նախատեսվում է հիմք ստեղծել "Ազգային անվտանգության մարմիններում ծառայության մասին" օրենքի 6.1-ին մասի 19-րդ հոդվածով նախատեսված պետական լիազոր մարմնում թափուր պաշտոն առաջանալու դեպքում ծառայությունը շարունակելու համար: Լիազոր մարմնում պաշտոնի նշանակվելիս հաշվի կառնվեն Լեռնային Ղարաբաղում ծառայության ստաժը, զբաղեցրած պաշտոնը և կոչումը, իսկ օրենքի գործողությունը կտարածվի այն անձանց վրա, ովքեր 2023 թվականի սեպտեմբերի 19-ի դրությամբ պաշտոն են զբաղեցրել Լեռնային Ղարաբաղի Ազգային անվտանգության ծառայությունում և նշանակվել են լիազոր մարմնում ծառայությունը շարունակելու համար՝ մինչև 2025 թվականի հուլիսի 1-ը:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
