Արմինֆո. Հայաստանը ցանկանում է լինել Եվրամիության մաս, այդ պատճառով էլ մտադիր է դուրս գալ Ռուսաստանի գլխավորած ՀԱՊԿ-ից: Այդ մասին Լատվիա կատարած այցի ժամանակ հայտարարել է ՀՀ Ազգային ժողովի նախագահ Ալեն Սիմոնյանը՝ Rus.LSM-ին (Լատվիայի ռադիոյի և հեռուստատեսության միացյալ նորությունների պորտալ):
Նշվում է, որ Հարավային Կովկասում անվտանգությունը, Ադրբեջանի և Հայաստանի միջև խաղաղության համաձայնագիրը և Հայաստան-ԵՄ հարաբերությունների հետագա զարգացումը գլխավոր թեմաներն են, որոնք Ազգային ժողովի նախագահ Ալեն Սիմոնյանն այսօր Ռիգայում քննարկել է իր լատվիացի գործընկեր Դայգա Միերինայի հետ:
"Մենք խոսեցինք այն մասին, որ Հայաստանը Եվրամիության ճանապարհին է։ Դրա համար էլ ուզում է դուրս գալ Ռուսաստանի գլխավորած ՀԱՊԿ-ից։ Հայաստանը նաև տեղեկացրել է մեզ, որ ռուս զինվորականներն աստիճանաբար դուրս են գալիս երկրից", - ասել է Դայգա Միերինան։
Լատվիայի ռադիոյի և հեռուստատեսության միացյալ լրատվական պորտալը նշում է, որ ավելի վաղ ՀԱՊԿ-ին Հայաստանի մասնակցության սառեցման մասին հայտարարել էր նաև երկրի վարչապետ Նիկոլ Փաշինյանը: Առիթը Ռուսաստանի անգործությունն էր Լեռնային Ղարաբաղում զինված հակամարտության ժամանակ։ Տարածաշրջանն ամբողջությամբ անցել է Ադրբեջանի վերահսկողության տակ։ Դա ցույց տվեց, որ Հավաքական անվտանգության պայմանագիրը Հայաստանի նկատմամբ չի կատարվում։ Եվ հիմա Հայաստանը ծրագրում է աջակցություն փնտրել այլ միությունում։
"Այն, ինչ տեղի է ունենում մեր տարածաշրջանում, նույն պատմությունն է, ինչ Ուկրաինայում։ Պարզապես, գործող անձինք մի փոքր այլ են: Մեզ անհրաժեշտ է աջակցություն՝ երկարաժամկետ խաղաղություն հաստատելու համար։ Մենք ոչ մի տարածքային պահանջ չունենք մեր հարևանների նկատմամբ։ Այն ամենը, ինչ մեզ անհրաժեշտ է, Ադրբեջանի կառավարության՝ խաղաղություն հաստատելու ցանկությունն է։ Եվ դրանում մեզ անհրաժեշտ է և Լատվիայի, և եվրոպական մյուս գործընկերների օգնությունը։ Մենք կիսում ենք Լատվիայի և ԵՄ անդամների արժեքները, ուստի մեզ աջակցություն է պետք Եվրամիության ընտանիքի լիարժեք անդամ դառնալու համար", - հայտարարել է Ազգային ժողովի նախագահ Ալեն Սիմոնյանը՝ Rus.LSM-ին:
Ինչպիսի՞ն կարող է լինել Ռուսաստանի արձագանքը, եթե Հայաստանը անդամակցի ԵՄ-ին։ Հայաստանում մոտ ժամանակներս երկրների միջև լավ հարաբերություններ չեն սպասում։ Հատկապես՝ Ռուսաստանի գործող իշխանության օրոք՝ վստահություն չկա։ "Ինչ վերաբերում է Ռուսաստանի խանդին, ապա պետք էր լինել լավ գործընկեր, պաշտպանել դաշնակիցներին և ազնիվ լինել գործընկերոջ հետ, նույնիսկ, եթե այդ գործընկերը փոքր է: Մեր հասարակությունն ունի որոշում. լինել Եվրամիության մաս։ Մի քանի օր առաջ մեր խորհրդարանում քննարկում էր հանրաքվեի մասին, որպեսզի Հայաստանը դառնա ԵՄ անդամ։ Ես կարծում եմ, որ մի օր մոտ ապագայում մենք կունենանք այդ հանրաքվեն, և ես վստահ եմ, որ մեր մարդիկ կասեն "այո", - ասել է Ալեն Սիմոնյանը։
<Դեպի Եվրոպա Հայաստանի ընթացքին աջակցում է նաև Լատվիան: Սեյմի խոսնակ Դայգա Միերինան նշել է, որ Հայաստանը տեսնում է ժողովրդավարական երկրների միասնական ընտանիքում: 2023 թվականի հոկտեմբերին Լատվիան Հայաստանին 100 հազար եվրո է հատկացրել հետղարաբաղյան ճգնաժամը հաղթահարելու համար, երբ երկրում փախստականների զանգվածային հոսք կար։ Լատվիա կատարած այցի ընթացքում ՀՀ ԱԺ նախագահ Ալեն Սիմոնյանը հանդիպել է նաեւ Լատվիայի նախագահ Էդգար Ռինկեւիչի եւ արտաքին գործերի նախարար Բայբա Բրաժեի հետ, այցելել օկուպացիայի թանգարան եւ ծաղիկներ դրել Ազատության հուշարձանին>, - գրում է LSM.lv-ը: -
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
