Արմինֆո. ՀՀ կառավարությունը՝ ի դեմս ՀՀ պաշտպանության նախարարության, հստակեցնում է նույն զորամասում եղբայրների ծառայության կազմակերպման, զինվորական ծառայության պայմանագիր կնքած և վաղաժամկետ զորացրվելու որոշում կայացրած քաղաքացիների նկատմամբ որոշակի հետևանքներ կիրառելու պայմանները:
Ինչպես հաղորդում է ԱԺ մամուլի ծառայությունը, գործող օրենքով զորակոչվող եղբայրն ուղարկվում է ծառայության մեջ գտնվող եղբոր զորամաս, եթե վերջինիս ծառայության ժամկետը չի գերազանցել 17 ամիսը կամ հայտարարված զորակոչի շրջանակում այդ զորամասը ենթակա է համալրման: Կառավարությունն առաջարկում է 17-ամսյա ծառայության ժամկետը նախատեսել 18 ամիս: «Զինվորական ծառայության եւ զինծառայողի կարգավիճակի մասին» օրենքում փոփոխություններ եւ լրացումներ նախատեսող օրենսդրական փաթեթը քննարկվել է հունիսի 25-ի ԱԺ պաշտպանության եւ անվտանգության հարցերի մշտական հանձնաժողովի արտահերթ նիստում:
Հիմնական զեկուցող, ՀՀ պաշտպանության նախարարի տեղակալ Արման Սարգսյանի խոսքով գործող օրենսդրությամբ զինծառայողն ազատվում է պարտադիր զինվորական ծառայությունից, եթե ունի ՀՀ պաշտպանության մարտական գործողությունների ժամանակ զոհված (մահացած) ծնող կամ եղբայր կամ քույր: Օրենքի վերոնշյալ դրույթը, ըստ փոխնախարարի, չի տարածվում «Պատիվ ունեմ» ծրագրով զորակոչված զինծառայողների վրա: Ուստի, փոփոխությամբ նախատեսվում է դրույթը կիրառելի դարձնել «Պատիվ ունեմ» ծրագրով զորակոչված զինծառայողների վրա եւս:
Առաջարկվում է հատկացված ծառայողական բնակարանն անհատույց սեփականության իրավունքով ստանալու հնարավորություն ընձեռել նաեւ առողջական վիճակի պատճառով զինվորական ծառայության համար ՀՀ պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կատարելու ժամանակ կամ հակառակորդի նախահարձակ գործողության հետեւանքով ժամանակավորապես ոչ պիտանի ճանաչվելու հիմքով պայմանագրային զինվորական ծառայությունից արձակված եւ զինվորական ծառայության հետ պատճառական կապով հաշմանդամության զինվորական կենսաթոշակի իրավունք ձեռք բերած սպաներին:
Օրենքների նախագծերի փաթեթով հստակեցվում են նաեւ պայմանագրային զինվորական ծառայությունից արձակված եւ չօգտագործված արձակուրդի օրեր ունեցող ու դրանց համար հատուցում չստացած կամ մասնակի ստացած նախկին զինծառայողների կողմից հատուցումը հաշվարկելու նպատակով ներկայացված դիմումներով վարչարարության իրականացման հետ կապված հարաբերությունները:
Օրենսդրական փաթեթը ստացել է դրական եզրակացություն: Հաշվի առնելով նաեւ առաջիկա զորակոչը` փոխնախարարն առաջարկել է նախագծերի փաթեթի ընդունումն իրականացնել անհետաձգելի ռեժիմով, ինչն էլ ընդունվել է:
Իսկանդարյան. Հայաստանի և Ադրբեջանի միջև խաղաղության պայմանագրի ստորագրումը քիչ հավանական է՝ բանակցային գործընթացում ասիմետրիայի պատճառով
Կարինե Գևորգյան. Ֆրանսիան, նույնիսկ, տեսականորեն չի կարող ապահովել Հայաստանի անվտանգությունը՝ անհրաժեշտ ռազմական լոգիստիկայի բացակայության պատճառով
Ջրբաշյան. Հայաստանի մարդկային կապիտալում ներդրումները կբերեն 43.6 մլրդ դոլարի ավելացված արժեք
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Փաշինյանը՝ Արցախի կորստի համար մեղավորների փնտրտուքի մեջ․ նախկին նախագահներին խորհուրդ եմ տալիս ընդունել բանավեճի իմ հրավերը
Վլադիմիր Վարդանյան. քանի դեռ Գյումրիի ավագանու լիազորությունները չեն դադարեցվել, Հայաստանի իշխանությունները միջամտելու սահմանադրական իրավունք չունեն
«Իմ տունը իմ ամրոցն է» բանաձևը պետք վերաձևակերպել «մեր պետությունն է մեր ամրոցը». Փաշինյան
Հայկ Մարությանը ստորագրահավաք է սկսում՝ ընդդեմ 2025 թվականի հունվարի 1-ից հասարակական տրանսպորտի ուղեվարձի թանկացման
Քաղաքագետը նշել է Հայաստանում ընդդիմադիր շարժումների ձախողումների պատճառները
Կարծիք. Փաշինյանն ավելի ու ավելի է գնում ազգային-պետական ինքնության վերաֆորմատավորման ճանապարհով
Հայաստանը փախստականի կարգավիճակ կտրամադրի Վլադիմիր Բալանդինին
Քաղաքագետ. Հայաստանում հասունանում է հեղաշրջում
Հայաստանի դատավորների միություն. Կարեն Անդրեասյանը ոտնձգություն է իրականացնում դատական իշխանության անկախության նկատմաբ
Հայաստանի ֆուտբոլի ազգային հավաքականի գլխավոր մարզիչը հեռացվել է զբաղեցրած պաշտոնից
Ընդդիմադիր գործիչը կոչ է արել ձևավորել Համահայկական միացյալ դաշինք՝ Հայաստանում իշխանափոխության համար
