Հիմնական քրիստոնեական եկեղեցիների առաջնորդներն Իսրայելի իշխանություններին մեղադրել են Սուրբ հողում քրիստոնեական ներկայության դեմ համակարգված հարձակման համար

Արմինֆո.: Հիմնական քրիստոնեական եկեղեցիների առաջնորդներն Իսրայելի իշխանություններին մեղադրել են Սուրբ հողում քրիստոնեական ներկայության դեմ "համակարգված հարձակման" համար՝ նրանց դեմ հարկային վարույթ հարուցելու միջոցով: Այդ մասին գրում է թե Associated Press-ը։

Աղբյուրը նշում է, որ թեեւ իսրայելցի պաշտոնատար աանձինք փորձել են խույս տալ խնդրից՝ որպես սովորական ֆինանսական հարցից, եկեղեցիները պնդում են, որ այդ քայլը խախտում է դարավոր ստատուս քվոն և արտացոլում է աճող անհանդուրժողականությունը Սուրբ երկրում փոքրիկ քրիստոնեական ներկայության նկատմամբ:

Այս շաբաթ Իսրայելի վարչապետ Բինյամին Նեթանյահուին ուղղված նամակում քրիստոնեական հիմնական եկեղեցիների առաջնորդները հայտարարել են, որ Իսրայելի չորս քաղաքապետարանները վերջերս նախազգուշական նամակներ են ուղարկել եկեղեցականւ պաշտոնյաներին՝ նախազգուշացնելով նրանց դատական հայցերից, եթե նրանք հարկեր չվճարեն:

"Մենք կարծում ենք, որ այդ ջանքերը համակարգված հարձակում են Սուրբ Երկրում քրիստոնեական ներկայության դեմ։ Ներկայումս, երբ ողջ աշխարհը և, մասնավորապես, քրիստոնյա աշխարհը մշտապես հետևում են Իսրայելում տեղի ունեցող իրադարձություններին, մենք կրկին բախվում ենք իշխանությունների՝ քրիստոնեական ներկայությունը Սուրբ հողից վտարելու փորձին", - գրել են կաթոլիկ, հունական և հայկական եկեղեցիների ղեկավարները:

Քրիստոնյաները կազմում են  փոքրամասնություն, որը կազմում է Իսրայելի և պաղեստինյան տարածքների բնակչության 2% - ից պակաս: ԱՄՆ Պետդեպարտամենտի տվյալներով՝ Իսրայելում բնակվում է 182 000 քրիստոնյա, 50 000-ը՝ Արևմտյան ափին և Երուսաղեմում, իսկ 1300-ը՝ Գազայի հատվածում։ Ճնշող մեծամասնությունը պաղեստինցիներ են