Բոլորը՝ նախարարից մինչև վարչապետ, մեզ խաբում են. լարված իրավիճակ Երևան-Ապարան ավտոճանապարհին

Արմինֆո.Արագածոտնի մարզի Վարդենուտ գյուղի բնակիչները կրկին փակել են Երևան-Ապարան մայրուղին՝ բողոքելով գյուղի շուրջ 110 հա տարածքը բացառիկ հանրային շահի գոտի ճանաչելու դեմ:

Դեռևս ս. թ. մարտին գյուղացիները փակել էին ճանապարհը, հայտարարելով, որ Վարդենուտ և Արագած գյուղերի տարածքի մի մասը գերակա հանրային շահ ճանաչելու կառավարության որոշման պատճառով զրկվում են իրենց հողամասերից: Այն ժամանակ Վարդենուտի բնակիչները հաղորդել էին, որ նամակով դիմել են վարչապետին և էկոնոմիկայի նախարարին։

<Մեր վարչապետն ասում է, որ խնդիրը լուծելու համար պետք է ճանապարհ փակել։ Մենք առաջնորդվում ենք նրանով, ինչ ասել է վարչապետը",- ասել է Բայանդուր գյուղի բնակիչներից մեկը։ Նրա խոսքով՝ այս տարվա հունվարից բոլորը՝ սկսած նախարարից, վերջացրած վարչապետով, իրենց  քթից բռնած ման են ածում։ "Վարչապետն ասում է. «Ես տեղյակ չեմ»: Արդյո՞ք նման բան հնարավոր է", - հայտարարել է նա։

 "Ռիդ" ընկերության մասին սկսել էին խոսել 2021 թվականին, երբ ՀՀ կառավարությունը չէր հաստատել Արագածի լանջերին լեռնադահուկային հանգստավայրի կառուցման հայտ ներկայացրած "Արագեյթ Ինվեսթմենթս" ընկերության (ընկերության սեփականատերը խոշոր գործարար Նիկոլայ Սարկիսովն է) 300 մլն դոլար ներդրմամբ լեռնադահուկային համալիրի կառուցման ծրագիրը, և նույն տարածքում հաստատել էր 300 ֆերմերային տնտեսությունների և 4000 հա-ից ավելի հողատարածքներ ընդգրկող էկոտուրիզմի կենտրոնի ստեղծման ևս 200 մլն դոլար ներդրումային ծրագիրը (վերջինը հաստատվել է կառավարության կողմից 2023 թվականի մարտի 2-ին):

Մինչդեռ 2020 թվականի սկզբից <Արագեյթ Ինվեսթմենթս > -ը ֆրանսիական հայտնի MDP consulting and engineering և Societe des 3 Vallees ընկերությունների հետ միասին սկսել է Արագածի լանջերին մոտ 5000 հա տարածքում լեռնադահուկային խոշոր համալիրի կառուցման աշխատանքները: Societe des 3 Vallees-ը Ֆրանսիայում հայտնի Կուրշևել խոշոր հանգստավայրի կառավարող ընկերությունն է: Նույն տարածքում գյուղմթերքի արտադրություն, ջրամբար, ինչպես նաև լեռնադահուկային հանգստավայր է ծրագրել  կառուցել <Ռիդ> ՍՊԸ-ն, որի բաժնետերը, ինչպես նշվել է, <Ռուցոգ-Ինվեստ> ընկերությունն է, որի սեփականատերն, իր հերթին (կրկին այն ժամանակ, ըստ ԶԼՄ-ների), մոսկվացի գործարար Ռուբեն Գրիգորյանն էր: Երկու ընկերությունների ծրագրերի տարածքները համընկնում էին ։ Այս վայրում ծրագրերից մեկին հավանություն տալու նպատակով ստեղծված միջգերատեսչական հանձնաժողովը հաստատել է <Ռիդ>ՍՊԸ-ի ծրագիրը: Ընկերության ներդրումային ծրագրին հավանություն է տվել նաև Ապարանի ավագանին:

Ըստ ներկայացված նախագծի՝ "Ռիդ" ՍՊԸ-ը կկառուցի Հայաստանում նմանը չունեցող լեռնադահուկային սպորտի ենթակառուցվածք, որը կներառի շուրջ 30 կմ լեռնադահուկային ուղիներ, հինգ ճոպանուղի, ինչպես նաև հյուրանոցներ: Ամբողջ համալիրը, ինչպես սպասվում է, կընդգրկի Արագածոտնի մարզի միանգամից մի քանի գյուղերի՝ Վարդենուտի, Արագածի, Արայի և Շենավանի տարածքները: Էկոնոմիկայի նախարարության գնահատականներով ՝ այս նախագծի իրականացումը հսկայական նշանակություն կունենա Հայաստանի հետագա տնտեսական զարգացման համատեքստում։ Դրա հիման վրա կառավարությունը որոշում է ընդունել 113 հա հողատարածքի նկատմամբ գերակա հանրային շահ ճանաչելու մասին ՝ զուգահեռաբար տալով 3640 հա հողատարածքի երկարաժամկետ վարձակալության թույլտվություն ։