Արմինֆո.Ոչ մի պարագայում Իրանը չի ընդունի Հարավային Կովկասի տարածաշրջանի սահմանների և ժողովրդագրության փոփոխությունը։ Այդ մասին հայտարարել է Իրանի արտգործնախարարի պաշտոնակատար Ալի Բաղերի Քանին՝ CNN Turk-ի հարցազրույցում պատասխանելով հայ-ադրբեջանական բանակցությունների և, այսպես կոչված, "Զանգեզուրի միջանցքի"մասին հարցին։
"Մենք ողջունում ենք ցանկացած նախաձեռնություն, որը կարող է հիմք ստեղծել տարածաշրջանի զարգացման համար, սակայն, ոչ մի պարագայում ընդունելի չէ տարածաշրջանի սահմանների և ժողովրդագրության փոփոխությունը", - ասել է իրանցի դիվանագետը, ում խոսքը մեջբերում է իրանագետ Ժաննա Վարդանյանը: