ԱԺ խոսնակը՝ ՌԴ փոխարտգործնախարարին. Հերիք է մեզ ուղղակի կամ անուղղակի սպառնաք, հերիք է մեզ հետ նման հռետորաբանությամբ խոսեք

Արմինֆո.Հայաստանի խորհրդարանի խոսնակը կրկին կասկածի տակ է դրել Հայաստանի եւ ՀԱՊԿ-ի հարաբերությունների մասին դատողություններ անողների անկեղծությունը: "Հերիք է սպառնաք մեզ, հերիք է խոսեք ՀԱՊԿ-ի մասին։ Երբ նրանք խոսում են ՀԱՊԿ-ի մասին, թող ավելի լավ մեզ պատմեն, թե որտեղ է անցնում ՀԱՊԿ-ի սահմանը, և ինչ պարտավորություններ ունի այդ կազմակերպությունն իր գործընկերների հանդեպ, թող իրենց ցույց տան որպես Ռուսաստանի և Հայաստանի միջև դաշնակցային պայմանագրի կողմ։

Բավական է նման հայտարարություններ անել մեր ինքնիշխան տարածքի վերաբերյալ", - հայտարարել է Ալեն Սիմոնյանը ԱԺ կուլիսներում լրագրողների հետ հարցազրույցում՝ պատասխանելով ՀԱՊԿ-ում Հայաստանի դիրքորոշման մասին ՌԴ փոխարտգործնախարար Միխայիլ Գալուզինի հայտարարությունները մեկնաբանելու խնդրանքին:

ԱԺ նախագահը նաեւ հատուկ ընդգծել է, որ Հայաստանն աշխարհի ոչ մի երկրի հետ չի քննարկում եւ բանակցություններ չի վարում իր տարածքում որեւէ զինված ուժերի կամ ռազմակայանների տեղակայման եւ, առավել եւս, ռազմաստրատեգիական որեւէ դաշինքի միանալու վերաբերյալ: Այդ առնչությամբ Սիմոնյանն անհեթեթ է համարում Գալուզինի կարծիքն այն մասին, որ Հայաստանը կաարող է երրորդ կողմի հետ կիսել հավաքական անվտանգությանն առնչվող տվյալների ազգային բազաները։ <Հերիք է մեզ հետ խոսել նման հռետորաբանությամբ: Հերիք է ուղղակի կամ անուղղակի սպառնաք մեզ՝ դիմելով նաև ձեր քարոզիչների ու հայկական ազգանուններ կրող մանկուրտների և բոլոր այն մարդկանց օգնությանը, որոնց վճարում են դրա համար։ Սա չի ազդում մեր երկրի հանրության վրա և, նույնիսկ, հակառակ ազդեցություն ունի։ Ավելին, մենք չենք հետաքրքրվում այդ ամենով եւ, առավել եւս, չենք առաջնորդվում դրանով", - ասել Է Սիմոնյանը, ընդգծելով, որ չի կարծում, թե, ընդհանրապես, պետք է արձագանքի "այդ պարոնի" խոսքերին ։ Իսկ թե արդյոք Հայաստանի ԱԳՆ-ը կարձագանքի, թե՝ ոչ, ինքը կորոշի։

Հիշեցնենք, որ օրերս ռուսական ՏԱՍՍ պետական գործակալության հետ հարցազրույցում ՌԴ փոխարտգործնախարար Միխայիլ Գալուզինը նշել էր, որ Հայաստանի ղեկավարությունը, կարծես թե, կցանկանար օգտվել պահից այն պայմաններում, երբ Արեւմուտքը մեծ շահագրգռվածություն է ցուցաբերում փոխգործակցության ամրապնդման հարցում, այդ թվում ՝ անվտանգության ոլորտում ՝ առաջարկելով համագործակցության տարբեր ձեւեր եւ ձեւաչափեր ։ Սակայն չմտածված որոշումները, որոնք կապահովեն արեւմտյանների լիակատար հասանելիությունը տվյալների ազգային բազաներին, երկրի անվտանգության համար զգայուն տեղեկատվությանը, ոչ միայն սպառնում են պետության ինքնիշխանությանը, այլեւ կարող են օբյեկտիվորեն անհնար դարձնել վերադաարձը Ռուսաստանի եւ ՀԱՊԿ-ի գծով մյուս դաշնակիցների հետ միասնական պաշտպանական տարածքի կառուցման համատեղ աշխատանքին։