Արմինֆո."Ռուսական երկաթուղիները" ջրհեղեղից հետո սկսել են Վրաստանի հետ Հայաստանի երկաթուղային հաղորդակցության վերականգնման աշխատանքները: Ըստ "Իզվեստիա"-ի՝ այդ մասին մայիսի 31-ին հաղորդել է ՌԴ կառավարության նախագահի տեղակալ Ալեքսեյ Օվերչուկի մամուլի քարտուղար Անդրեյ Մատվեևը։
Հոդվածում նշվում է, որ Հայաստանի հանրային ռադիոյի հաղորդմամբ՝ Մոսկվայի հետ համապատասխան պայմանավորվածության մասին նախօրեին հայտարարել է ՀՀ վարչապետ Նիկոլ Փաշինյանը: "Կառավարության նախագահի տեղակալ Ալեքսեյ Օվերչուկի և Հայաստանի Հանրապետության վարչապետի տեղակալ Մհեր Գրիգորյանի միջեւ ձեռք բերված պայմանավորվածություններին համապատասխան, "Ռուսական երկաթուղիներ" ԲԲԸ-ի մասնագետներն օպերատիվ կերպով ձեռնամուխ են եղել մայիսի 25-26 — ը Հայաստանի Հանրապետության Լոռու և Տավուշի մարզերի տարածքում տեղի ունեցած տարերային աղետի հետևանքով խաթարված Հայաստանի ներքին և միակ միջազգային երկաթուղային հաղորդակցության վերականգնման աշխատանքներին", - ասել է Մատվեևը լրագրողներին:
Ռուսաստանը ֆինանսական միջոցներ է հատկացնում երկաթուղու վերականգնման համար՝ հաշվի առնելով դրա կարևորությունը Հայաստանի ժողովրդին կենսական անհրաժեշտ բեռներով ապահովելու համար, հավելել է նա:
Մատվեևը նշել է, որ ռուս մասնագետները կանեն ամեն ինչ, որպեսզի հնարավորինս սեղմ ժամկետում վերականգնեն Հայաստանի երկաթուղային հաղորդակցությունն արտաքին աշխարհի հետ:
Մայիսի 25-ին Հայաստանի հյուսիսում տեղացել են հորդառատ անձրևներ, որոնք հանգեցրել են Դեբեդ, Աղստև, Տաշիր գետերի վարարման և ջրհեղեղի՝ Լոռու և Տավուշի մարզերում: Զոհվել է երեք մարդ։ Ջրհեղեղի գոտուց տարհանվել է առնվազն 232 մարդ ։ Ավերվել են նաև բազմաթիվ ճանապարհներ և կամուրջներ, հեղեղվել են տներ ։
Ավելի ուշ՝ մայիսի 26-ին, Ռուսաստանի ԱԻՆ-ը Հայաստանին օգնություն էր առաջարկել հորդառատ անձրևներից հետո երկրում ջրհեղեղի պատճառով: Ռուսական կողմը պատրաստակամություն է հայտնել փրկարարներ ուղարկել ջրհեղեղի հետևանքները վերացնելու և վթարավերականգնողական աշխատանքներ իրականացնելու համար:
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ռուսաստանն անկեղծորեն կարեկցում է Հայաստանի ժողովրդին ջրհեղեղի կապակցությամբ, որը հանգեցրել է զոհերի և ավերածությունների: Նրա խոսքով՝ անհրաժեշտության դեպքում ռուս-հայկական մարդասիրական արձագանքման կենտրոնը պատրաստ է լրացուցիչ ուժեր և միջոցներ ներգրավել և մարդասիրական օգնություն տրամադրել տուժածներին:
Բացի այդ, ՌԴ պաշտպանության նախարարությունը նույնպես հայտարարել է, որ Հայաստանում տեղացած հորդառատ անձրևների պատճառով արտակարգ իրավիճակի պատճառով պատրաստ է օգնություն ցուցաբերել ջրհեղեղի և սելավների հետևանքների վերացման գործում: Նշվել է, որ հայկական կողմի հարցման դեպքում ՌԴ ԶՈՒ ուժերն ու միջոցներն անմիջապես կուղղվեն տարերային աղետի շրջաններ։
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Պետդեպարտամենտ. Վաշինգտոնում հստակ գնահատական չունեն՝ Լեռնային Ղարաբաղում տեղի ունեցածը գաղթ էր, թե էթնիկ զտում
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
Վարդան Ոսկանյան. Բագրատ Սրբազանը այլևս դարձել է ոչ թե միայն Տավուշի, այլ ամբողջ Հայաստանի խարիզմատիկ հոգևոր-հանրային դեմք
