Բոլորը պետք է պատասխանատվություն կրեն իրենց գործողությունների համար․Բագրատ Սրբազանը պարզաբանում է պահանջել ՆԳ նախարարից, սակայն պարզվել է, որ վերջինս զբաղված է

Արմինֆո."Տավուշը հանուն հայրենիքի" բողոքի շարժման առաջնորդ Բագրատ Գալստյանն այլևս հանդիպում չի պահանջում ՀՀ վարչապետ Նիկոլ Փաշինյանի հետ, սակայն հայտարարում է, որ չի հրաժարվել վարչապետին անվստահություն հայտնելու գործընթաց նախաձեռնելու գաղափարից: Այդ մասին նա հայտարարել է մայիսի 29-ի առավոտյան՝ Սուրբ Աննա եկեղեցու բակում։

Արքեպիսկոպոսը հիշեցրել է երկու օր առաջ Երեւանում տեղի ունեցած հանրահավաքի ժամանակ ոստիկանների վայրագությունների, ինչպես նաեւ մայիսի 28 - ին Սարդարապատում նրանց դատապարտելի, խուլիգանական պահվածքի մասին, երբ փորձ է արվել խոչընդոտել Ամենայն  հայոց կաթողիկոս Գարեգին

Բ-ի մուտքը համալիր:

<Այսուհետեւ նրանք չեն կարող որևէ օրակարգ թելադրել մեր երկրում։ Եվ մենք ենք թելադրում, և մենք ենք ասում, և մենք ենք անում: Սա իմ ուղերձն է, ոչ մի դեպքում մի լսեք կեղծ մեկնաբանությունները, մի թուլացրեք ձեր միտքն ու հոգին", - հայտարարել է Գալստանյանը՝ կոչ անելով չշեղվել ընտրված ուղուց։

Վարչապետի թեկնածու Բագրատ արքեպիսկոպոս Գալսատնյանի կարծիքով՝ Փաշինյանին մնացել է մեկ հենարան ՝ ոստիկանական ուժերը։ Արդյունքում ՝ Հայաստանում ոստիկաններն իրենց օրենքից վեր են դասում ՝ ահաբեկելով մարդկանց, ծեծելով նրանց։

<Ցավոք, ոստիկանը, որը պետք է լինի մեր իրավունքների պաշտպանը, դարձել է ինչ-որ մեկի քմահաճույքների կատարողը, դարձել է, պարզապես, ստրուկ. կիրակի օրը տեղի ունեցած հանրահավաքից հետո նրանք (իշխանությունները) ջղաձգության մեջ են։ Կիրակի օրը՝ ամսի 26-ին, ոչ ոք չէր սպասում, որ մեր ժողովուրդը այսքան մեծ թվով փողոց դուրս կգա", - հայտարարել է նա։

Այս կապակցությամբ  նա ներկաներին կոչ է արել շարժվել դեպի ՆԳՆ շենք՝ պարզաբանումներ պահանջելու գերատեսչության ղեկավար Վահե Ղազարյանից: "Պետք է հասկանալ՝ ներքին գործերի նախարարն ինքն է հրամաններ տալիս, թե՞ հասարակ կատարող է։ Նախարար Վահե Ղազարյանին և նրա ընկերներին  ես շատ լավ գիտեմ", - նշել է Գալստանյանը։ Եթե ՆԳՆ-ում չպատասխանեն, շարժման ներկայացուցիչներն ու նրանց կողմնակիցները "այլեւս կաշկանդված չեն լինի իրենց գործողություններում", հավելել է նա:

<Մեր երկրում բոլորը պետք է պատասխանատու  լինեն իրենց գործողությունների և խոսքերի համար: Դա անտարբերություն է, մարդկանց շրջանում անապահովության զգացում, լքվածության զգացում, պետական պաշտոնյաների լկտիություն, այդ ամենը պետք է վերանա", - ասել է արքեպիսկոպոսը։

Այնուհետև "Տավուշը հանուն հայրենիքի" շարժման աջակիցները երթով շարժվել են դեպի ՆԳՆ շենք։ Այդուհանդերձ, գերատեսչության ղեկավար Վահե Ղազարյանը դուրս չի եկել "Տավուշը հանուն հայրենիքի" շարժման մասնակիցների մոտ։ ՆԳՆ մամուլի խոսնակ Նարեկ Սարգսյանը հաղորդել է, որ Ղազարյանն այժմ հանդիպման է և չի կարող իջնել:

Հավաքվածների մոտ է դուրս եկել ՆԳՆ ներքին անվտանգության վարչության պետ Վաղինակ Մարտիրոսյանը, նշելով, որ ոստիկանության գործողությունների մասով մեկ տասնյակից ավելի ծառայողական քննություններ և քրեական վարույթներ կան: