Արմինֆո.Այս անգամ «գործ չեն կարել», լրագրողներին հայտարարել է գեներալ-գնդապետ, ՀԱՊԿ նախկին գլխավոր քարտուղար Յուրի Խաչատուրովի որդին՝ Իգոր Խաչատուրովը, որը մի քանի ժամ գտնվել է Ոստիկանության բաժանմունքում: Ինչպես նշել է հայտնի արտիստ Տիգրան Նալչաջյանը, նման բան ինքը չի տեսել ժամանակակից Հայաստանում, անգամ ՝ ներկա իշխանության օրոք։
Իգոր Խաչատուրովի ասելով՝ Երևանի ոստիկանության բոլոր բաժիններում, բացի Արաբկիրի բաժնից, նորմալ վերաբերմունք կա բերման ենթարկվածների նկատմամբ: <Ամեն ինչ՝ ինչպես նախկինում: Պարզապես, այս անգամ "գործ չեն կարել", - հայտարարել է նա։
<Նույնիսկ մայթերին հանգիստ կանգնած մարդկանց բերման են ենթարկել կոպիտ ձևով։ Հեղինակություններ չեն ճանաչում. փորձել են բերման ենթարկել Սրբազանին (Բագրատ Գալստանյանին), մարդիկ նրան հազիվ են հետ մղել, մի կնոջ էլ գետնին են տապալել։ Տեսնում ենք այնպիսի բաներ, որոնք բացարձակապես ոչ մի կապ չունեն իրավաչափ ուժի հետ", - իր հերթին՝ նշել է Նալչաջյանը։
"Հայաստան" խմբակցության պատգամավոր, "Տավուշը հանուն հայրենիքի" շարժման առաջնորդներից՝ Գառնիկ Դանիելյանի խոսքով՝ վերևից ոստիկաններին ուղղակի հրահանգ է տրված բիրտ ուժ կիրառել զոհված զինծառայողների ծնողների, պատգամավորների և լրատվամիջոցների ներկայացուցիչների նկատմամբ:
Հիշեցնենք, որ Հայաստանում բողոքի ցույցեր են սկսվել այն բանից հետո, երբ հայտնի դարձավ ապրիլի 19-ին Երևանի և Բաքվի միջև ձեռք բերված պայմանավորվածության մասին՝ սկսել սահմանազատումը Տավուշից: Տավուշից Երևան երթն առաջնորդող Բագրատ արքեպիսկոպոս Գալստանյանը մայիսի 9-ին վարչապետին կոչ արեց հրաժարական տալ: Նախօրեին Գալստանյանը հայտարարվել է ՀՀ վարչապետի թեկնածու։ Երեկ նա հայտարարել է մայիսի 27-ի ժամը 8:00-ից անհնազանդության խաղաղ ակցիաներ, որոնք պետք է ստիպեն իշխանություններին հաշվի նստել ժողովրդի կամքի հետ: Մայիսի 27-ին, ժամը 10.10-ի դրությամբ, ոստիկանները բերման են ենթարկել անհնազանդության ակցիայի 196 մասնակցի: Կարմիր բերետավորները բերման են ենթարկել նաև բողոքի ակցիայի ընթացքում Մաշտոց-Սայաթ-Նովա փողոցների խաչմերուկը փակած 44-օրյա պատերազմում զոհված զինծառայողների ծնողներին ու հարազատներին: Համացանցում տեսանյութ է տարածվել, որում երևում է, թե ինչպես են Երևանի կենտրոնում "կարմիրբերետավորները" տապալել պատգամավոր Աշոտ Սիմոնյանին և սկսել ոտքերով հարվածել նրան:
Հիշեցնենք նաև, որ դեռ 2023 թվականի մարտին վարչապետ Նիկոլ Փաշինյանը հայտարարել էր, թե Հայաստանի իրավապահ համակարգում որևէ մեկը չի ստանձնի քրեական գործ սարքելու պատասխանատվությունը: <Այսօր Հայաստանում, պարզապես, անհնար է ինչ - որ մեկի վրա գործ կարել ։ Մեր իշխանությունն իսկապես առաջնորդվում է արժեքներով, թե որքանով է հաջող կամ անհաջող, այլ հարց է, բայց ակնհայտ է, որ մենք առաջնորդվում ենք արժեքներով։ Այսօր դատական համակարգում աշխատում են մարդիկ, ովքեր այնքան սկզբունքային են, որ իրենց գործունեության պայմաններում հնարավոր չէ ինչ-որ մեկի դեմ գործ սարքել։ Նախ ՝ նման հրահանգ չի լինելու, երկրորդ ՝ կատարող չի լինելու", - վստահեցրել էր Փաշինյանը։
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Պետդեպարտամենտ. Վաշինգտոնում հստակ գնահատական չունեն՝ Լեռնային Ղարաբաղում տեղի ունեցածը գաղթ էր, թե էթնիկ զտում
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
