Զատուլին․ Փաշինյանը փորձում է Ռուսաստանի վրա բարդել Լեռնային Ղարաբաղում Ադրբեջանի դեմ պատերազմը տանուլ տալու համար ողջ պատասխանատվությունը

Արմինֆո. Հայաստանի վարչապետ Նիկոլ Փաշինյանը փորձում է Ռուսաստանի վրա բարդել Լեռնային Ղարաբաղում Ադրբեջանի դեմ պատերազմը տանուլ տալու համար ողջ պատասխանատվությունը: Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինն այդպես է մեկնաբանել Փաշինյանի մեղադրանքները ՀԱՊԿ անդամ երկու երկրների հասցեին՝ 2020 թվականին Բաքվին օգնություն ցուցաբերելու վերաբերյալ։

"Իմ դիրքորոշումը վաղուց հայտնի է։ Փաշինյանը ստախոս է և սրիկա, ով փորձում է հայ ժողովրդի ցասումն ուղղել Ռուսաստանի վրա ՝ տապալելով և տանուլ տալով այն ամենը, ինչի համար իր նախորդները և ողջ հայ ժողովուրդը տարիներ շարունակ պայքարել են", - ասել է Զատուլինը՝ «գազոտա.ռու»-ին:

Ռուս խորհրդարանականը նաև պարզաբանել է, թե Հավաքական անվտանգության պայմանագրի կազմակերպության հատկապես որ երկու երկրների մասին է խոսել Փաշինյանը: "Կարելի է ենթադրել [Ռուսաստանը և Բելառուսը]։ Եվ, իմ կարծիքով, դրա համար պետք չէ կռահել",- փաստել է Զատուլինը ։

Նշենք, որ մայիսի 22-ին խորհրդարանում կառավարության ժամին  Նիկոլ Փաշինյանը հայտարարել էր, որ Ադրբեջանի նախագահի հետ հանդիպման ժամանակ Բելառուսի նախագահն ասել է այն, ինչ ինքը փորձում է ասել Հայաստանին արդեն 4 տարի: "Ես գիտեմ ՀԱՊԿ-ի առնվազն երկու երկիր, որոնք մասնակցել են մեր դեմ պատերազմի նախապատրաստմանը ։ Այդ երկրները իմիտացիա են ստեղծել, թե ուզում են մեզ օգնել ։ Բայց այդ պատերազմը Լեռնային Ղարաբաղի մասին չէր ։ Նրանք վաղուց իրենց համար փակել են Լեռնային Ղարաբաղի հարցը ։ Այդ պատերազմը Հայաստանի հարցում չարդարացված սպասումների մասին էր։ Այդ պատերազմի նպատակը Հայաստան անկախ պետության վերացումն էր։ 2020 թվականի նոյեմբերի 9-ին եւ դրանից հետո այդ սպասումը չարդարացավ։ Հետո փորձեցին 2021 թվականի մայիսին, երբ Ազգային Ժողովն ու կառավարությունը լուծարվեցին, բայց այդ փորձը հաջողությամբ չպսակվեց ։ Փորձել են նաև 2022 թվի սեպտեմբերին, ու նորից չստացվեց, հետո փորձել են 2023 թվիի սեպտեմբերին, երբ սոցիալական ցանցերում մարդկանց կոչ էին անում դուրս գալ ընտրված իշխանության դեմ, բայց այն ժամանակ էլ չստացվեց ։ Հետո փորձեցին 2024 թվականի մայիսի 9 - ին, բայց նորից չաշխատեց ու չի աշխատի", - վստահեցրել է Փաշինյանը։