Արմինֆո. Կիրանցում մարդիկ ահաբեկման են ենթարկվում իշխանությունների կողմից. ստեղծվում է մի իրավիճակ, երբ սահմանազատման եւ սահմանագծման արդյունքում փոխհատուցում ստանալը ամենաճիշտ լուծումն է թվում։ Այդ մասին մայիսի 23-ին ԱԺ-ում լրագրողների հետ ճեպազրույցում հայտարարել է "Հայաստան" դաշինքի ընդդիմադիր պատգամավոր Գառնիկ Դանիելյանը։
Հիշեցնենք, որ սահմանազատման և սահմանագծման հանձնաժողովի արձանագրություն-նկարագրության համաձայն, ՀՀ Տավուշի մարզի Կիրանց գյուղի հատվածում Ադրբեջանին պետք է անցնեն երկու տուն, կամուրջը, դեպի Վրաստան միջպետական ճանապարհի մի հատված և մոտ 50 հողամաս:
Դանիելյանը նշել է, թե պատահական չէ, որ սեփականության վկայականների հետ կապված խնդիրներ են բարձրաձայնվել, քանի որ այսօր դա դարձել է սպառնալիքի գործիք: "Նրանք հասկացնում են, որ եթե այսօր հանգիստ չվերցնեն այն, ինչ իրենց առաջարկում է պետությունը, ապա վաղը դա էլ կարող է չլինել", - ասել է ընդդիմադիրը ։
Նա նշել է, թե պատահական չէ նաև այն, որ այսօր որևէ մեկին թույլ չեն տալիս մտնել Կիրանց, քանի որ այնտեղ գործում են հատուկ ծառայություններ, ոստիկանական ուժեր, կառավարող ուժի ներկայացուցիչներ, որոնք սպառնալիքների, ճնշումների, ահաբեկման միջոցով համոզում են քաղաքացիներին համաձայնել փոխհատուցման։ "Յուրաքանչյուր կիրանցու բաժին է ընկնում 10-15 պաշտոնյա", - ընդգծել է նա:
Միաժամանակ, պատգամավորը նշել է, թե պետք չէ զարմանալ, որ կլինեն մարդիկ, ովքեր գործարքի կգնան իշխանությունների հետ, բայց կան նաև մարդիկ, ովքեր պատրաստ են պայքարել մինչև վերջ:
Նշենք, որ ՀՀ արդարադատության նախարարությունը վերջերս հանդես էր եկել հայտարարությամբ այն մասին, որ Ադրբեջանի հետ սահմանին գտնվող Տավուշի Կիրանց գյուղի բնակիչներին նախկինում տրված անշարժ գույքի վկայագրերը սխալմամբ են տրվել, ինչի պատճառով չեն կարող իրավական հիմք հանդիսանալ՝ պնդելու, որ տվյալ տարածքները համարվում են Հայաստանի Հանրապետության ինքնիշխան տարածքի մաս: Այս կերպ գերատեսչությունն արձագանքել է սահմանադրական իրավունքի փորձագետ Վարդան Պողոսյանի վերջերս տված հարցազրույցին։ Փորձագետը նշել էր, որ Կադաստրի կոմիտեն Կիրանց գյուղի բնակիչներին սեփականության իրավունքի գրանցման վկայականներ է տրամադրել, հետևաբար, այդ տարածքները Հայաստանի Հանրապետության տարածք են:
Իսկանդարյան. Հայաստանի և Ադրբեջանի միջև խաղաղության պայմանագրի ստորագրումը քիչ հավանական է՝ բանակցային գործընթացում ասիմետրիայի պատճառով
Կարինե Գևորգյան. Ֆրանսիան, նույնիսկ, տեսականորեն չի կարող ապահովել Հայաստանի անվտանգությունը՝ անհրաժեշտ ռազմական լոգիստիկայի բացակայության պատճառով
Ջրբաշյան. Հայաստանի մարդկային կապիտալում ներդրումները կբերեն 43.6 մլրդ դոլարի ավելացված արժեք
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Կարծիք Կանոնադրության մասին. ոչ Մոսկվան նախկինում, ոչ Վաշինգտոնն այսօր լիակատար և վերջնական ընտրություն չեն կատարի Հայաստանի և Ադրբեջանի միջև
Փաշինյանը՝ Արցախի կորստի համար մեղավորների փնտրտուքի մեջ․ նախկին նախագահներին խորհուրդ եմ տալիս ընդունել բանավեճի իմ հրավերը
Վլադիմիր Վարդանյան. քանի դեռ Գյումրիի ավագանու լիազորությունները չեն դադարեցվել, Հայաստանի իշխանությունները միջամտելու սահմանադրական իրավունք չունեն
«Իմ տունը իմ ամրոցն է» բանաձևը պետք վերաձևակերպել «մեր պետությունն է մեր ամրոցը». Փաշինյան
Հայկ Մարությանը ստորագրահավաք է սկսում՝ ընդդեմ 2025 թվականի հունվարի 1-ից հասարակական տրանսպորտի ուղեվարձի թանկացման
Քաղաքագետը նշել է Հայաստանում ընդդիմադիր շարժումների ձախողումների պատճառները
Կարծիք. Փաշինյանն ավելի ու ավելի է գնում ազգային-պետական ինքնության վերաֆորմատավորման ճանապարհով
Հայաստանը փախստականի կարգավիճակ կտրամադրի Վլադիմիր Բալանդինին
Քաղաքագետ. Հայաստանում հասունանում է հեղաշրջում
Հայաստանի դատավորների միություն. Կարեն Անդրեասյանը ոտնձգություն է իրականացնում դատական իշխանության անկախության նկատմաբ
Հայաստանի ֆուտբոլի ազգային հավաքականի գլխավոր մարզիչը հեռացվել է զբաղեցրած պաշտոնից
Ընդդիմադիր գործիչը կոչ է արել ձևավորել Համահայկական միացյալ դաշինք՝ Հայաստանում իշխանափոխության համար
